Inamin ni Chito Miranda na kulang ng impormasyon ang ibinahagi ng kanyang misis na si Neri Naig tungkol sa budget meal plan na aabot ng isang linggo sa halagang PHP1,000.
Read: Neri Naig’s PHP1K weekly meal plan draws mixed reactions from netizens
Sa kanyang Instagram post ngayong Biyernes ng umaga, September 15, 2023, umapela si Chito na sana ay mas bigyan ng pansin ang intensiyon ni Neri na makatulong sa paggawa ng budget meals kaysa batikusin ito.
Ginawa raw ni Neri ang weekly meal plan sa halagang PHP1,000 dahil pumatok ang nauna nitong weekly meal plan sa halagang PHP2,000.
Ikinatuwiran ni Chito na sa pagmamadali ng kanyang misis ay hindi nito naipaliwanag nang mabuti kung paano magkakasya ang PHP1,000 sa ibinahagi nitong menu.
Lahad ni Chito (published as is): "Soon after, she told me that she wanted to make another meal plan, but this time, she'll try to keep it under P1k.
"Soon enough, she was able to come up with one, and kahit madaling araw na, she eagerly shared it with her followers (and again, madaming natuwa at nagpasalamat)
"...and since it was intended for those who already knew what she was doing, she made the crucial mistake of not filling in the details.
"It was soon picked up by those who knew nothing of what she was doing, and was instantly bashed for it.
"Grabe diba? Naisip lang naman ng asawa ko na baka sakaling makatulong yung meal plan nya sa mga tao that might find it useful, na-bash pa sya ng mga taong hindi naman nakasubaybay kung bakit ginagawa nya yung meal plan. [broken heart emoji]
"Di bale...dinelete nya na po yung post nya, and she will make it more detailed for those who do not fully understand what she was doing.
"What a cruel, cruel world."
Isinama ni Chito sa kanyang IG post ang screenshot ng isang netizen na tila naintindihan na hindi lahat ng binanggit na ingredients ni Neri ay binili sa palengke.
Sinabi ng netizen na posible ang PHP1,000 weekly meal plan kung may tanim na gulay sa bakuran.
Pero sabi rin ng netizen, puwedeng umabot ng "PHP1,500" kung bibilhin pa sa palengke ang mga gulay.
Dagdag ni Chito sa kanyang caption (published as is): "Anyway, for those who knew what Neri was doing, ayusin nya lang daw muna yung details para mas maging helpful yung guide nya.
"For those who got angry and threw stones without knowing the details of what she was doing, good job sa inyo. [heart emoji]"
Read: All hail The Voice Generations' iconic coaches
CHITO ON CONSIDERING FAMILY SIZE, PORTIONS, OTHER BUDGET HACKS
Base pa rin sa caption ng post ni Chito, ibinahagi niyang mas detalyado ang iprinisintang impormasyon ni Neri sa nauna niyang weekly meal plan na may halagang PHP2,000.
Nabanggit daw ni Neri roon na kailangang isaalang-alang ang family size at portions para ma-budget nang mabuti ang meal plan.
Lahad ni Chito: "A few weeks ago, Neri came up with a weekly meal plan, for a family of 2-4, working with a budget of only P2k.
"It was mostly for fun, but she also thought that it can be useful for those who might want to use it as a guide.
"Meals were cheap but relatively healthy, and consisted mostly of vegetables."
Ipinaliwanag pa ni Chito kung paano nakatipid sa menu na prinisinta ni Neri doon sa weekly meal plan na may halagang PHP2,000.
"The 'pork sinigang' was mostly kangkong and sinigang mix, with a few strips of pork. It was detailed, and had the proper costing to back it up. She did the math.
"She also reminded those who will be using her meal plan to add portions as needed, depending on their family's size and appetite.
"Sinabi nya din na the meal plan was merely a guide which they could use as a starting point.
"It was a big hit with her followers."
May disclaimer din si Chito na sa kanilang bahay ay hindi pupuwede ang PHP2,000 na weekly meal plan dahil malaki ang kanilang household.
Diin niya: "Needless to say, it wasn't the same meal plan that we followed and used in our house (more than 10pax kami dito sa bahay and most of us are carnivorous), but she just wanted to let her followers know that it could be done (palagi kasi talagang napag-uusapan yun sa page nya)."
Ang mga nabanggit ni Chito na disclaimer at considerations sa paggawa ng meal plan ay hindi nakasaad sa latest weekly meal plan ni Neri na kinukuwestiyon ng netizens.
Read: Chito Miranda receives brand new pickup truck as birthday gift from wife Neri Naig
THE QUESTIONABLE WEEKLY MEAL PLAN
September 10, 2023 nang i-post ni Neri ang kontrobersiyal na weekly meal plan na nagkakahalaga ng PHP1,000.
Nakasaad doon ang menu para sa breakfast, lunch, at dinner.
Sabi pa sa caption ni Neri: "Para sa mga nanay na mamamalengke bukas pagkatapos ihatid ang mga bata sa school, eto na, pakiprint na po eto, kumpleto pati palengke list.
"Nagtry akong magbudget ng P1,000 for a week. Kung may sukli pa yan, pwede pangdagdag merienda o baon ng mga bata."
Binatikos ito nang husto ng netizens na namangha dahil sa taas ng bilhin ay imposible raw magkasya ang budget na PHP1,000 sa buong linggo.
Sa ulat ng PEP.ph (Philippine Entertainment Portal) na inilathala noong September 13, 2023, nakasaad ang detalyadong presyo ng ingredients na nabanggit ni Neri para sa kanyang weekly meal plan.
Lumabas na malabo ngang magkasya ang isang libong piso.
Read: Neri Naig lectures netizens who questioned her experiences as tindera: “Naglako po ako ng ulam.”
NERI NAIG'S DISCLAIMER
Nagdagdag si Neri ng disclaimer nang mag-viral na ang kanyang weekly meal plan.
Sinabi niya ritong nakalimutan niyang irekomenda na kunin ang ibang ingredients sa mga pananim sa bakuran para makatipid.
Sabi niya sa caption ng kanyang post:
"Sorry di ko nalagay sa post na to na kunin ang mga sayote and other gulay sa bakuran, sa ibang posts ko po kase nalalagay ko minsan.
"Madaling araw na po kase nung napost ko to.
"Anyway, pasensya na po. Next time ilagay ko po lahat ng details at how much.
"Kase sa amin po madalas free po ang mga eggs. Tapos yung vegetables and fruits namin kase mahilig po akong magtanim.
"Again, pasensya na po.
"Kukumpletuhin ko po para sa mga followers ko."
Read: Neri Naig clarifies P1K weekly meal plan: "Kunin ang mga sayote and other gulay sa bakuran."