Idineklara ni Gerald Anderson, 34, na nakita na niya kay Julia Barretto, 26, ang babaeng gusto niyang pakasalan.
Kasabay nito, may kumalat na usap-usapan sa social media na baka lihim nang kasal ang dalawa at hindi lang nila ipinapaalam ang totoong estado ng kanilang relasyon sa publiko.
Sa panayam ng PEP.ph (Philippine Entertainment Portal) kay Julia sa ginanap na Preview Ball, sa Manila Mariott Hotel, noong Biyernes, September 8, 2023, piinabulaanan niyang kasal na sila ni Gerald.
"No, walang ganun, walang ganun. Walang secret-secret! Mahirap magka-secret na ngayon sa mundong mabilis ang balita!" natatawang saad ni Julia.
Ang tanging kinumpirma ni Julia ay maligaya sila ni Gerald sa takbo ng kanilang relasyon.
Pero wala raw siyang nakikitang rason para madaliin ang paglagay sa tahimik.
"Sobrang excited... Bakit niyo ba kami minamadali?" natawa uling bulalas ng aktres.
"We're just really happy where we are right in life. I mean, it's something to look forward to.
"Pero bakit niyo ba kami minamadali?"
Paglilinaw ni MJ Felipe ng ABS-CBN News, kaya maraming nag-iisip na kasal na sila ni Gerald ay marahil nakikita ng iba na "very steady" ang relasyon nilang magkasintahan.
Paliwanag naman ni Julia, may tamang panahon para pag-usapan ang kasal.
"But I feel, like, when that moment comes, it's... I don't know... I feel, like, it's something to be shared when two people are ready to share.
"I don't think it's something that should be asked constantly. I feel, like, when the time comes, it comes.
"I don't know why everybody is rushing us. And yeah, we're really happy where we are.
"I'm really happy where I am in my life. I don't know, you'll just find out one day, but it's not gonna come from an interview."
Nakiusap si Julia na huwag na munang pag-usapan ang kanyang love life.
Sa huli ay kinumusta ng PEP.ph kay Julia ang inang si Marjorie Barretto na kamakailan ay na-confine sa ospital.
Hindi isiniwalat ni Marjorie ang dahilan ng kanyang pagkakasakit.
Sabi ni Julia, "Okay, she's good, she's doing well. Thank you to everybody who send their prayers.
"Yun ang importante, okay siya, hindi ko alam ang mangyayari. Oh my god! Di ko kaya."
READ MORE HOT STORIES ON PEP.PH:
- Netizens react to Gerald Anderson's beso moment with ex-girlfriend Maja Salvador
- Joshua Garcia reacts to reports about Julia Barretto and Gerald Anderson settling down
- Gerald Anderson, Julia Barretto caught on Kiss Cam at Malaysia basketball game