Nakalagak sa Room 301 ng National Chapels and Crematory (dating Funeraria Nacional) sa Araneta Avenue, Quezon City, ang mga labi ni Ethel Ramos.
Si Ramos, o mas kilala sa showbiz bilang Manay Ethel, ang veteran entertainment writer na sumakabilang-buhay sa edad na 87, kahapon, September 10, 2023.
Read: Ethel Ramos, veteran entertainment columnist and talent manager, passes away
Ibuburol sa naturang chapel ang tinaguriang "Dean of Entertainment Writers" mula ngayong Lunes, September 11, hanggang sa Miyerkules, September 13.
Tuwing ala sais ng gabi ang banal na misa.
Nakatakda kinabukasan, Huwebes, September 14, ang cremation sa kanyang mga labi.
Bukod sa pagiging Dean of Entertainment Writers, kilala si Manay Ethel bilang talent manager ng aktor na si Aga Muhlach sa loob ng tatlong dekada.
Malaki ang kontribusyon niya sa pagkatao at pag-unlad ng entertainment career ng award-winning actor.
Read: FIRST READ ON PEP: Manay Ethel Ramos officially out of Aga Muhlach's career
Bilang pagpupugay kay Manay Ethel, isang mensahe para sa kanya ang inilabas ni Aga sa Instagram account nito.
Bakas sa bawat salita ng aktor ang kalungkutang nararamdaman.
Mensahe ni Aga, “Rest and go in peace my dearest ‘Ta Ethel.
"Don’t even know where to begin… 30 years of love, laughter, arguments, tsismis, pangarap, hard work to name a few.
“We all shared together and we just loved and embraced each other. I will miss you. I am forever grateful to you and what you’ve done for me.
“We’ve talked about death so many times that we both know we are ready. Lahat naman tayo dadating diyan. So much more to say but I’ll just leave it at this.
“Mahal ka naming lahat na tinulungan at minahal mo. Habambuhay ka sa puso ko. Pls pray for us na naiiwan pa dito. Rest in eternal peace dearest Tita Ethel. I love you very much.
“Don’t worry about me, you’ve taught me so much in life. We’ll be just fine. Hurt, sad but kaya to.
"Again, rest in peace. You are with our creator now. Your son, Aga.
“Ang dami ko pa gusto sabihin…. Di ko na din alam.. Basta.”
View this post on Instagram