Pinagaan ni Susan Enriquez ang malungkot na kapaligiran sa ikalawang gabi ng burol ni Mike Enriquez noong nakaraang Biyernes, September 1, 2023, sa Christ the King Parish Church sa Greenmeadows, Quezon City.
Ito rin ang gabi na pinangasiwaan ng Kapuso network ang memorial service para sa beteranong journalist na tinawag nilang “GMA Night.”
Watch: Mel Tiangco, may ibinuko tungkol kay Mike Enriquez
Present ang maraming katrabaho ni Mike sa GMA Integrated News, GMA Public Affairs, at DZBB na nagbahagi at naghayag ng kanilang mga masasayang alaala sa pumanaw nilang katrabaho.
Watch: Arnold Clavio ni-reveal kung bakit siya paborito ni Mike Enriquez
Nagkaroon naman ng kaunting tawanan sa burol dahil sa pag-introduce nina Pia Arcangel at Arnold Clavio kay Susan bilang “Mrs. Mike Enriquez.”
Ayon sa ulat ng GMA News online kahapon, September 2, 2023, sinimulan ni Susan ang kanyang eulogy sa mga ganitong salita: “Sana pagkalibing ni Sir [Mike], tapos na yang chismis.”
Dagdag pa niya, “Ilang beses ko nang sinagot sa presscon, walang katapusan.
“Kaya siguro ako magsasalita dahil nga para magkaroon na ng closure na si Tita Baby ang totoong asawa.”
Ang asawa ni Mike ay si Lizabeth "Baby" Yumping Enriquez.
Pabirong panawagan pa ni Susan sa mga politiko at celebrities na nasa memorial service, “Ikalat niyo po! Si Tita Baby po ang asawa.
“At pagka-ako ay nagri-report kay Sir Mike, e, ako po ay talagang inaabot na katakut-takot na tanong.”
“GALANTE HO YAN”
Pinatunayan naman ni Susan na magaling makisama si Mike sa kanyang mga katrabaho.
Galante pa nga daw ito lalo na kapag nakakantiyawan.
Saad niya, “Pag nasa remote [coverage], masarap pong kantiyawan si Sir Mike.
“Madali ho siyang bolahin, sabihin mo lang pogi siya, e, di ba? Maniniwala siya, e, di ba?
“Galante ho yan! Kapag narinig ho niya humihirit ang tao, basta sabihin mo lang, ‘Ang pogi mo sir ngayon, maganda yung makeup mo,’ ay talagang maniniwala yan.
"Sasabihin lang agad niyan, ‘Ilang bulig ang kailangan?’
“Si Sir Mike, hindi lang po galante yan. Si Sir Mike, bukas po ang palad niya sa mga taong nangangailangan."
Pagdating naman sa trabaho, sabi ni Susan, “Istrikto, perfectionist po yan. Naku, talaga!
“Kabilin-bilinan niya po sa akin pag magkasama kami, ‘Dapat 100% ang ibibigay sa trabaho, hindi po 99.9 [percent].”
Nauna na ring binigyang linaw ni Susan ang inaakala ng marami na mag-asawa sila ni Mike sa ulat na lumabas dito sa PEP.ph (Philippine Entertainment Portal) noong nakaraang August 29, ang araw na siya ay pumanaw.
Read: Susan Enriquez on late Mike Enriquez: "Madalas kaming napagkakamalang mag-asawa."
Binawian ng buhay si Mike sa ICU ng St. Luke's Medical Center, sa Quezon City, sa edad na 71 taong gulang.
Read: Veteran broadcaster Mike Enriquez dies at 71
Inilagak na sa kanyang huling hantungan ang mga labi ng beterano at award-winning journalist na si Mike sa Loyola Memorial Park, Marikina City ngayong araw, September 3, 2023.
Read: Veteran broadcaster Mike Enriquez laid to rest at Loyola Memorial Park
Related Articles:
- Mel Tiangco speaks about Mike Enriquez's devotion to his wife Baby
- Misis ni Joey de Leon, nangakong di pababayaan ang biyuda ni Mike Enriquez
- Raffy Tima, Howie Severino recall most memorable news coverage with Mike Enriquez
- Sandra Aguinaldo, Mark Zambrano, Mariz Umali, Lyn Ching, Suzi Entrata recall fondest memories with Mike Enriquez
- Arnold Clavio, Connie Sison, Karen Davila, fellow broadcasters pay tribute to late Mike Enriquez
- Ogie Alcasid, Gary Valenciano, Yasmien Kurdi remember late broadcaster Mike Enriquez
- Jessica Soho looks back on last encounter with Mike Enriquez in memorial letter
- Sen. Jinggoy Estrada files resolution to honor Mike Enriquez's "outstanding body of work"
- Vicky Morales bursts into tears at Mike Enriquez’s wake
- ABS-CBN anchors Karen Davila, Bernadette Sembrano attend first night of GMA News anchor Mike Enriquez’s wake
- "Emotional" Jessica Soho attends burial of Mike Enriquez; proud that she helped him “get into television”