Ipinaliwanag nina Barbie Forteza at David Licauco ang kuwento sa likod ng nag-viral nilang sweet picture.
Noong August 20, 2023, kumalap ng samu't saring reaksiyon sa social media ang litratong in-upload ng GMA Network kung saan makikita sina Barbie at David na magkayakap habang natutulog sa set ng kanilang upcoming Kapuso primetime series na Maging Sino Ka Man.
"Happy Sunday, mga Kapuso! Sana nakatulog kayo ng mahimbing ngayong weekend katulad nila!" mababasang caption sa post.
Marami sa fans nina Barbie at David, o mas kilala sa uniname na BarDa, ang kinilig sa litratong ito.
Read: David Licauco on possible romance with Barbie Forteza: "What if?"
Sa panayam nila sa "Chika Minute” ng 24 Oras nitong Huwebes, August 31, ipinagtapat ng dalawa na nakunan silang magkayakap habang hindi pa nagro-roll ang kamera.
Read: David Licauco, may pantapat sa "Anti-Silos Class" ni Jak Roberto
Ayon kay David, totoong tulog sila ni Barbie nang makunan ng litrato.
Natatawang pahayag ng Kapuso actor, “Tulog talaga kami nun kasi pagod na e, pagod na kami nun."
Mabilis naman itong sinang-ayunan ni Barbie.
Aniya, "Yes, tulog talaga kami.
“To be honest, hindi pa take yun, pero bina-block na kasi ni Direk.
"Natawa lang ako kasi yung unang take namin nun, ang dapat na mas yayakap, ako. Tapos nung pumitik na yung AD [assistant director] namin, siya [David] na yung mas yumakap sa akin.”
Read: David Licauco reiterates appreciation of Jak Roberto's support for BarDa love team
BARDA's PREPARATION FOR 'MAGING SINO KA MAN'
Magkahalong tuwa at excitement ang nararamdan ngayon nina Barbie at David sa nalalapit na pagsisimula ng bago nilang pagsasamahang Kapuso series.
Ito ang TV remake ng 1991 blockbuster movie nina Sharon Cuneta at Robin Padilla, ang Maging Sino Ka Man.
Read: Barbie Forteza reacts to interviews of Jak Roberto, David Licauco, Joshua Garcia
Sa ginanap na grand mediacon ng Maging Sino Ka Man nitong Huwebes, August 31,, ipinasilip ang trailer kung saan makikita ang mga dapat abangan sa serye.
Kapansin-pansin ang pagiging emosyunal ni Barbie habang pinapanood ang trailer, kaya hindi siya nakaligtas tanungin kung ano ang mga naiisip niya habang pinapanood ito.
Sagot ni Barbie, "Hindi ko po ma-contain yung excitement ko kasi first time ko lang po mapanood both yung MTV [Music Television] and yung AVP [Audio Visual Presentation].
"I'm just really excited dahil ang ganda po nung kinalabasan ng mga ginawa namin, yung pinaghirapan namin.
"Sobrang ganda ng outcome, kaya po sobrang overwhelmed po ako and sobrang excited na finally maipapalabas na ang TV version ng Maging Sino Ka Man."
Read: Barbie Forteza, sawa nang sagutin kung nagseselos si Jak Roberto sa love team nila ni David Licauco
Matinding paghahanda rin daw ang ginawa ng Kapuso actress para sa pagganap niya bilang Monique at Dino sa seryeng ito.
Saad niya, "Ako po, I intentionally watched the original movie, buti na lang po talaga mayroon sa YouTube.
"Sobrang nakakatawa ni Sir Robin at Sir Dennis [Padilla] and of course ang ating Megastar Ms. Sharon Cuneta, that was cherry on top on the film, sobrang ganda.
"Noong napanood ko po yung original film, mas lalo akong na-excite na gawin to.
"And now I understand why this film is very iconic up to this day."
Maging si David, malaking adjustment ang ginawa para mapangatawanan ang iconic role ni Robin bilang Carding.
Lahad niya, "Apart from action nga ito na medyo challenging for me, may isa pang challenging sa akin ito yung kung paano magsalita si Carding.
"Kasi as you can see in the movie, mabilis magsalita si Carding, matigas. And as you can see and hear now, medyo mabagal talaga akong magsalita.
"Ayon yung challenging for me, but with the help of our director, I think, hopefully, nabigyan ko ng justice yung character.
"Several times ko ring pinanood yung movie, and si Senator Robin sinusubukan kong gayahin."
Read: Jak Roberto on Barbie Forteza's love team David Licauco: "Walang selos, go lang!"