Inaasahan na raw ni Andrea Brillantes na may mga hindi magagandang reaksiyon ang netizens sa “Date or Pass” vlog niya na in-upload noong August 21, 2023.
Pero ang hindi niya na-anticipate ay ang bultong hate comments sa kanyang pag-ami na nais niyang maka-date ang anak ni Ina Raymundo na si Jakob Poturnak.
Wala naman daw siyang ibang ibig sabihin dito dahil naguguwapuhan lamang siya kay Jakob.
Sa kanyang TikTok account kahapon, August 27, naglabas ng kanyang saloobin si Andrea sa mga natatanggap niyang batikos.
Aniya, “It has gotten some attention. Yesterday, when I was at work, I saw a couple of articles nung sinabi ko na parang, ‘Im single, na naguwapuhan ako sa guy na to.’
"Ta's alam niyo, wala akong pang-amoy, pero dun pa lang naamoy ko na yung comment section.
“Like, I had a feeling na siguro yung comment section puno na naman ng mga boomers. Siguro sinasabi nila na, ‘Puro ako boys, hanap ako nang hanap, magpahinga naman muna ako,’ or to be harsh, ‘Malandi daw akezzz.’
“Pero hindi rin naman nagkamali ang lola niyo dahil tama nga ako, puro yun nga ang nasa comment section.”
“IN-OA NG MGA TAO”
Ayon kay Andrea, pinanood dapat ng netizens nang buo ang kanyang vlog bago siya husgahan at komentuhan nang hindi maganda ang sinabi niyang naguguwapuhan siya kay Jakob.
Saad ng Kapamilya actress, “And sa hindi pa po nakakanood, I put so many disclaimers na, ‘Please, we're just girls having fun, don’t take this seriously,’ and like, that’s one of the reasons why I made it ‘Date or Pass’ instead of ‘Jojowain or Totropahin.’
“And the term of jojowain for me is too serious na, and the last time I did that type of content I actually ended up being being with the guy na trinopa ko.
“Siyempre, ayoko nang maulit yun, di ba? I explained that on my video.
“Alam niyo yan kung nanood kayo. Pero siyempre di kayo nanood kaya nga kayo judgmental, e. E, di ayun, in-OA na ng mga tao, oo.
“Nakita ko kasi yun pagkagising ko, e. Yung reaksiyon ko talaga, ‘Luhhh, eto na naman tayo. Sineryoso na naman yung dapat playtime lang.’
“Maiisip ko bang mapapa-article ako at mapapa-news ako?
“Sinabi ko lang naman na naguguwapuhan ako dun sa tao, ano bang big deal dun?
“Yes, alam ko artista ako. Kahit ano talaga sabihin ko puwedeng makakuha ng attention.
“Pero like, ito, talaga ba, ganito kaliit na bagay, like, it is really that relevant? Like, is my love life or taste in boys really that relevant to this world? Full of problems na nga."
Sabi pa ni Andrea, “So again, para sa mga hindi nanood, for full context lang, sa part kasi na yun kinuwento ko na, 'This guy went up to me, nagpakilala siya, blah blah. Sayang lang kasi at that time I was taken, e.'
"I really do find him attractive so, sabi ko, ‘Ngayon single na ako…’ as a joke.”
“MAGRI-REPLY LANG NAMAN AKO”
Dagdag pa ni Andrea, kung seryoso talaga siyang magkaroon ng bagong ka-date ay hindi na niya kailangang idaan sa vlog.
Puwede naman daw niyang i-direct message ang guy sa social media account nito.
Marami rin daw nagpaparamdam sa kanya kaya puwedeng mag-reply lang siya sa isa sa mga ito.
Sabi ni Andrea, “Guys, if I was serious about it, ba't idadaan ko pa sa vlog? DM na lang sana ako, di ba?
“It’s also funny kasi ang dami nagsasabi na, ‘Hanap ako nang hanap’ or ‘I’m trying so hard.’
“Come on, guys, not being mayabang or anything, but I don’t really need to try, like it’s really not that hard for me.
“Just being honest, ha, that if I really wanted to date a guy now, e, di sana meron na, magri-reply lang naman ako, e.
“Ayan na naman, sasabihin na naman malandi ako. But just like what I stated in my video, I am not looking for anything or anyone right now.
“I’m happily single and enjoying my youth. It was just for content and entertainment.”
MAKING THE FIRST MOVE IS NOT BEING “MALANDI”
Sa huling bahagi ng kanyang TikTok video, sinabi ni Andrea na hindi niya deserve o kahit na sinong babae na makatanggap ng hate comments dahil nagpakatotoo lamang siya.
Saad niya, “And even though artista ako, it’s part of my job. I can’t blame anyone for reacting like this, I feel, like, I can still feel like frustrated kasi tao ako, because I really do feel frustrated kasi ang dami ko pa naman nasabi dun sa vlog ko.
“Ilang beses kong klinarify, ‘We're all independent girlies, we are of age na, we're all like 20.’”
Dagdag pa niya, “I don’t know, but ako lang to, seeing articles like that, it just feels sexist. Kasi I really said a lot of things pero yun lang yung na-pick up.
“So, parang pinapamukha lang na I’m such a mababaw person. And all I think about is ‘bBoys, boys, boys.’”
Hindi rin naman daw masama na ang isang babae ang gumawa ng first move na ipakita ang kanilang gusto sa isang lalaki.
Ito rin ang ginawa niya sa ex-boyfriend niyang si Ricci Rivero.
Read: Andrea Brillantes, Ricci Rivero open up about their love story
Saad ni Andrea, “Eto, last na din guys. So even if I was being serious about it, I don’t think I should be getting any hate for it.
“I don’t think a woman should be getting any hate for making the first move, for me that’s not being malandi at all.
“I don’t think a woman should be receiving harsh words and hate just because she’s being courageous sa lalaking natitipuhan niya.
“I also don’t think I should be getting hate if I ever decide to put myself out there na.
“Tinitingnan ko kasi siya sa perspective na, ‘I’m in my 20s, I own a business, I have a nice career, I pay my bills and taxes.’
“So why need to hate when I just wanted to have fun? Bakit may nasira ba akong three-month rule? Wala nga, e.
“Ano ba kayo, date lang nga, di nga jojowain, e. Titigil ba mundo niyo?
"And I just feel like kung lalaki ako, hindi ako makakakuha ng ganitong klaseng hate, feeling ko nga di ako mapapa-news for this matter."
@blythe get ready with me na may halong chika…. ???????? #fyp ? Seven (feat. Latto) - Clean Ver. - Jung Kook & Latto
Ilang buwan na ang nakalilipas mula nang magkahiwalay si Andrea at ang ex-boyfriend niyang si Ricci.
Read: Ricci Rivero confirms breakup with Andrea Brillantes amid cheating allegations