Kasal na ang aktres na si Lovi Poe sa British movie producer na si Montgomery "Monty" Blencowe.
Ginanap ang pag-iisang dibdib nina Lovi at Monty sa luxurious Cliveden House sa Taplow, Berkshire, England, nitong Sabado ng hapon, August 26, 2023 (UK time).
Read: What it costs to stay at Cliveden House, venue of Lovi Poe-Monty Blencowe wedding
Sa pamamagitan ng Instagram at Facebook, ibinahagi ng TV host-eventologist na si Tim Yap, na kabilang sa mga imbitado sa kasal, ang bridal walk ni Lovi.
Mabagal ang paglalakad ni Lovi dahil natatawa niyang sabi, "I wanna savor this moment."
Bagamat sa England ginanap ang kasal, damang-dama pa rin ang Filipino vibe dahil ang background music sa bridal walk ni Lovi ay ang instrumental ng "Pangarap Ko Ang Ibigin Ka" ni Regine Velasquez.
Maluha-luha namang sinalubong ni Monty ang kanyang bride para sa pagsisimula ng wedding ceremony.
Noong December 2020 pa engaged sina Lovi at Monty, pero nito lamang August 8, 2023, ito inanunsiyo ng aktres.
Read: Lovi Poe engaged to Monty Blencowe since December 2020