Masaya at nagpapasalamat si Isko Moreno dahil sa mga nakalipas na linggo, masasabing nakakakuha ng pinakamataas na ratings ang kanilang noontime show na Eat Bulaga!.
READ: Isko Moreno on competition among noontime shows: "We don’t wish for somebody to fail."
READ: Isko Moreno downplays 'Eat Bulaga!' ratings in battle of noontime shows
“Una, salamat sa Diyos. Pangalawa, salamat sa ating mga televiewers,” ang masayang pahayag niya nang makausap ng PEP.ph (Philippine Entertainment Portal) kamakailan.
Ayon pa rito, “Bagamat mga baguhan kaming host ng Eat Bulaga! and I’ve been telling, since nag-umpisa kami, we’re really trying in our own little ways to come up with a new type of Eat Bulaga! while siyempre, nakasanayan natin ang una.
“Hindi naman natin yan makukuha sa taumbayan na ganun-ganun lamang. But in our own little way, we wanted to entertain and maging bahagi tayo ng Kapuso natin sa kanilang tanghalian.”
Dugtong pa niya, “More energetic, more lively at yun, yung tulong at saya and we’re really trying to be the best house, tahanang pinakamasaya.”
ISKO SAYS “G SA GEDLI” IS THEIR BRIDGE TO THE MASSES
Natutuwa si Isko na ang segment kunsaan siya ang regular na napapanood na sumusugod bigla sa iba’t ibang lugar at namimigay ng pera, ang ‘G sa Gedli’ ay isa sa pinaka-inaabangang segment ng Eat Bulaga!.
“Salamat sa inyo and I hope, nakakakuha kayo ng inspirasyon sa ating mga random people. Because you know, the uniqueness of ‘G sa Gedli,’ it’s raw, very raw.
“Random people, random place. But with the warm reception and acceptance sa ating mga televiewers, I’m grateful, I’m thankful and we will do our best na maging inspirasyon natin ang mga ito, ang mga Kapuso natin na nagsusumikap.
“Ano man ang pagsubok sa buhay, hindi sumusuko. So I hope that God will continue to guide us to be a bridge, maging tulay kami sa mga tao, ituro sa amin ang mga random people na nangangailangan talaga.
“And that’s the story of ‘G sa Gedli.’”
ISKO HAPPY WITH EAT BULAGA! RATINGS
Nang makausap namin si Yorme sa Highstreet South Corporate Building, BGC, Taguig, galing ito sa regular Eat Bulaga! show nila, at kahit pagod, nakangiti pa rin.
Kahit aminadong pagod, nag-eenjoy raw siya.
“I’m grateful to God,” saad niya.
“I’m really happy. I’m enjoying. I got inspiration everyday sa mga istorya ng mga Kapuso natin and happy na happy ako kasi, napaka-energetic ng mga kasama natin sa Eat Bulaga! and GMA-7 Kapuso.
“And we’re really trying to really put our best foot forward every single day. And we’re very happy also with the numbers.
“Hopefully, magtuluy-tuloy lang. At kahit papaano, maraming variety. Sabi ko nga, buffet ang ating mga kababayan kapag lunch time.”
ISKO SAYS EAT BULAGA! HOSTS MINDFUL OF RESPONSIBILTIES AND DISCIPLINE
Kinumusta rin namin si Isko na sa tatlong noontime shows na magkakatapat ngayon, ang Eat Bulaga! ng GMA-7, ang E.A.T. ng TV5 at ang It’s Showtime ng ABS-CBN, tila sila na lang ang hindi pa yata naipapatawag ng MTRCB.
Kamakailan lang kasi ay nasangkot ang mga hosts ng ibang noontime shows sa ilang censorship issues.
“Basta kami, spread love and good vibes lang,” saad niya.
“Ganun ang mindset namin everyday. Best foot forward as much as possible in our own little way. And to make the afternoons of mga Kapuso lively, hopeful and full of inspiration.”
Nag-uusap-usap din ba sila sa mga bagay o salita na dapat maging maingat sila?
“Self-disciplined lang,” diin niya.
“Sanay naman tayo sa live television. That’s Entertainment pa, GMA Supershow, these are all live television shows. So may certain responsibilities as a host.”
ISKO BUSY WITH OTHER PROJECTS
Bukod sa Eat Bulaga!, pumapasok pa rin si Isko sa itinayong production and recording studio, ang Scott Media kunsaan ginagawa ang kanyang YouTube show na ‘Iskovery,’ maging ang iba pang online shows tulad ng ‘Marites University,’ ‘Unplugged World,’ ‘Sweet Dreamz with Mocha Girls,’ at ‘Real Talk Pilipinas.’
At may pelikula rin siyang ginagawa ngayon, ang Hiwaga.
Sabi nga niya, “Oh yes, yung Hiwaga, with Direk Vince Tañada, hopefully, matapos na. Ano naman yan, mga pambata naman, and I think December yata ang showing.
“I’m happy to be a support to industry. This generates jobs and opportunities for everyone and at the same time, entertainment.”
ISKO HAPPY TO BE BACK IN SHOWBIZ INDUSTRY
Pagkatapos ng kanyang makasaysayang pagsabak sa pulitika, masasabing nakabalik talaga si Isko kung saan siya nanggaling — sa mundo ng showbiz.
“Salamat sa Diyos, salamat sa ating mga kababayan,” nakangiting sabi niya.
“I hope with me signing with Sparkle, we’ll have more jobs and shows for our viewers.”
May mga plano na raw ba ang GMA Sparkle sa pagpirma niya ng management contract dito?
“They’re doing something, marami silang pini-pitch,” sabi naman niya. “Maybe talk show, another game show.”
Hindi raw niya masagot ang teleserye dahil may araw-araw nga siyang noontime show.