Aminado si Heart Evangelista na tulad din ng iba ay hindi sa lahat ng pagkakataon ay masaya ang kanyang buhay.
Sa eksklusibong panayam ni Lhar Santiago ng 24 Oras, na umere nitong Lunes ng gabi, August 14, 2023, nagbigay ng pahayag si Heart kung paano niya hina-handle ang mga pagsubok na dinadaanan.
Sabi lang niya: "Life is like that. Madami tayong pagdadaanan with our careers, with our personal life.
"But everything's for a reason, and everything is for us to be stronger so we can face anything else in life.
"So, I am very happy."
Isang bagay raw na nagpapalakas ng loob ni Heart ay ang mister na si Senator Chiz Escudero.
"My husband will always tell me, with the glory comes the punches.
"You can't have a perfect life. And nobody's perfect. So everything's made for a reason to make us better people and stronger."
Liban dito ay walang nabanggit si Heart tungkol sa kontrobersiyang kinasangkutan niya kaugnay ng napabalitang hiwalayan nila ng kanyang dating glam team.
- IN PHOTOS: Heart Evangelista and glam team's happy moments prior to falling-out
- Falling-out with glam team? Heart Evangelista's makeup artist breaks silence on "money issue" with actress
- Heart Evangelista's PA to makeup artist Justin Soriano: "Lumalabas wala kang utang na loob."
- Makeup artist Justin Soriano on Heart Evangelista's maxed-out credit card: "Dear, siya lang nagma-max out ng credit card niya."
Sa kabilang banda, natanong si Heart kung kailan siya magbabalik-telebisyon sa GMA-7.
Huli siyang napanood sa Kapuso prime-time series na I Left My Heart In Sorsogon, na umere mula November 2021 hanggang February 2022.
Ayon kay Heart, may pinag-uusapan ang kampo niya at ang GMA-7 management kung ano ang susunod niyang proyekto.
Kung saka-sakali, excited daw siya na umarte uli dahil nami-miss din niya ito.
Editor's Note: This story was first published on August 15, 2023 with the original headline "Heart Evangelista reacts to falling-out with her glam team." It was based on a report aired on GMA-7's prime-time newscast 24 Oras. As of August 16, some changes have been made following an alignment with 24 Oras regarding the original context of the interview with Heart.