Muling ipinahayag ni David Licauco ang kanyang pasasalamat sa kapwa GMA-7 actor na si Jak Roberto sa suportang ipinapakita nito sa tambalan ni David at ng girlfriend ni Jak na si Barbie Forteza.
Maituturing na isa sa hottest love teams ngayon ang tandem nina Barbie at David na tinagurian ng fans na "BarDa" at "FiLay," na hango sa mga karakter nila sa top-rating Kapuso primetime series na Maria Clara at Ibarra.
Nitong mga nakaraang linggo, nag-trending ang panayam ng PEP.ph (Philippine Entetainment Portal) kay Jak sa GMA Gala 2023 na naganap sa grand ballroom ng Manila Marriott Hotel sa Pasay City noong July 22, 2023.
Sa eksklusibong panayam, sinabi ni Jak na masaya siya para kina Barbie at David dahil successful ang kanilang tambalan. Wala rin daw siyang selos na nararamdaman.
Read: Jak Roberto on Barbie Forteza's love team David Licauco: "Walang selos, go lang!"
Huwebes, August 3, 2023, nakapanayam naman ng PEP.ph si David sa grand launch ng OPPO Reno 10 Series 5G sa Manila Hotel.
Dito ay kinuha namin ang kanyang reaksiyon sa naging pahayag ni Jak.
Sabi ni David, "Siyempre, knowing Jak as a person and actor siya, matagal na siya sa industry... I would think na... di naman ako nagulat na naiintindihan naman talaga niya.
"Hindi naman siguro siya naaapektuhan.
"And ayun, I'm just really thankful as a man, as a friend na... I mean, sinusuportahan niya kami."
GRATEFUL FOR BLESSINGS
Masaya rin si David dahil sunud-sunod ang pasok ng blessings sa kanya matapos ang Maria Clara at Ibarra. Bukod sa TV at movie projects, sunud-sunod din ang pasok ng endorsement deals kay David.
Sa event kung saan siya nakapanayam ng PEP.ph, isa si David sa mga ipinakilalang bagong brand ambassador ng nasabing smartphone, kasama ang kapwa Kapuso star na si Bea Alonzo.
Pahayag ni David tungkol dito, "Super happy, of course, [to be] given this opportunity, kasi naaalala ko dati, nakikita ko yung mga athletes, mga actors na nagpo-post sila ng selfie, tapos may watermark doon ng mga cellphones. Di ba, alam mo yun? Sigurado.
"And sabi ko, okay lang yung magkaroon na ganyan. And like right now, binigyan ako ng OPPO ng opportunity like this... I'm just filled with gratitude and happiness."
Sa ngayon, sinisigurado ni David na hindi siya magpapaapekto sa lahat ng nagaganap sa kanyang career para hindi siya ma-overwhelm.
Aniya, "I'm just trying to keep it real, I guess. Minsan di mo na lang talaga maiisip na totoo yun, di ba?
"So ako, I just try my best to take it day by day. Kasi kapag inisip ko siya on a larger picture, mao-overwhelm ka rin, so yeah... Happy lang."
READ:
- Barbie Forteza reacts to interviews of Jak Roberto, David Licauco, Joshua Garcia
- David Licauco on possible romance with Barbie Forteza: "What if?"
- David Licauco admits blaming himself after losing best friend in 2013 car accident: "What if I didn't sleep..."
- avid Licauco almost quit showbiz before Maria Clara at Ibarra