Dennis Trillo says Jennylyn Mercado is overprotective

by Rommel R. Llanes Interview: Rachelle Siazon

Published Aug 9, 2023

Ang GMA Gala 2023 ang unang public appearance ni Jennylyn Mercado matapos nitong mag-leave of absence sa showbiz para sa baby nila ni Dennis Trillo na si Dylan.

Nakibalita ang PEP.ph (Philippine Entertainment Portal) sa mag-asawa kung ano na ang mga nakahain na proyekto sa kanila.

Si Dennis ay may nakaumang nang bagong proyekto na malapit na nilang matapos kunsaan kasama niya si Bea Alonzo, habang si Jennylyn naman ay ipagpapatuloy na ang pagte-taping para sa naudlot nilang serye ni Xian Lim na Love, Die, Repeat.

Samantala, tinanong na rin ng PEP sina Jen at Den kung may mga bago ba silang nadiskubre sa isa't isa bilang asawa at magulang ng kanilang baby.

Sabi ni Jennylyn, hindi raw niya akalain na sobrang magiging hands on at maalaga si Dennis sa kanilang anak, habang si Dennis naman, sinabi na "overprotective" ang kanyang misis pagdating sa kanilang baby na si Dylan.

Napasambit tuloy si Jen ng, "Sorry" dahil sa tinuran ni Dennis.

Sabat naman agad ni Dennis, maganda raw ang ganoong katangian ni Jennylyn na nagpapakita ng pagmamalasakit nito sa kanilang anak.

HOT STORIES