Nagbigay-pugay si Ice Seguerra sa pumanaw niyang father-in-law na si former Department of Interior and Local Government (DILG) Undersecretary Martin Diño,
Pumanaw ang dating government official at ama ni former Film Development Council of the Philippines (FDCP) Chairperson Liza Diño-Seguerra dahil sa stage 4 cancer nitong Martes ng madaling-araw, August 8, 2023.
Inanunsiyo ni Liza ang pagpanaw ng ama sa pamamagitan ng kanyang Facebook account ngayong araw rin.
Read: Ex-DILG Undersecretary Martin Diño, father of Liza Diño, dies
Malaki ang pagpapasalamat ni Ice sa kanyang father-in-law dahil itinuring daw siya nitong sariling anak.
Sariwa pa raw sa kanya ang panahong nagpaalam siya rito upang pakasalan si Liza.
Lahad ni Ice, “Thank you so much, Papa Martin, for accepting and embracing me as one of your own. Please say hi to my dad ngayong magkasama na kayo.
“I remember our conversation when I asked you if you would allow me to marry your daughter; you readily said yes and that you were happy because you knew that I would take good care of Liza and Amara. Thank you for trusting me.”
Matagal na raw lumalaban si Martin para sa bayan, sa mga anak, at sa karamdaman nito.
Dagdag pa ni Ice, “Matagal ka rin lumaban, Papa. Lumaban para sa bayan, para sa mga anak mo, at sa cancer. Pero ngayon, pwedeng pwede ka na magpahinga.
“I love you, papa!”
View this post on Instagram
Kalakip ng mensahe ni Ice ang isang larawan na kuha sa second wedding nina Ice at Liza sa San Juan, Batangas, noong January 8, 2015.
Read: Aiza Seguerra and Liza Diño wed for the second time via 'symbolic ceremony' in Batangas