Isa si Christian Bautista, 41, sa unang nakaranas ng pagsasanib-puwersa ng GMA-7 at ABS-CBN.
Kaugnay ito ng historic crossover ng Kapuso at Kapamilya stars simula nang umere ang It's Showtime sa GTV noong July 1, 2023.
Review: 'It’s Showtime' gives its all in GTV premiere
Ang It's Showtime ang banner noontime show ng Kapamilya Network, habang ang GTV ay free-TV channel na affiliated sa GMA-7.
"Yeah, nakita ko yun sa headline ni Sir Felipe Gozon, 'TV war is over.'
"And parang nagkaroon ako ng mas maaliwalas na feeling kasi mas maraming opportunity ang puwedeng mangyari.
"Mas maraming collaboration ang puwedeng mangyari," saad ni Christian sa panayam ng PEP.ph (Philippine Entertainment Portal).
Mas lumawak daw ang maaaring galawan ng mga artista.
Patuloy ni Christian: "And nung nag-guest ako sa Showtime, sabi ko nga nung nag-judge ako ng that one time, I get to see my friends. Ayun yung isa sa pinakanatuwa ako.
"Nakita ko si Vhong Navarro, 'O, nag-basketball ka pa rin ba sa ganito?' Kamusta mga anak? O, nag-golf ka ba?'
"So, parang nagbukas yung door to see more of your friends and colleagues na dati mong nakasama."
Nakapanayam ng PEP.ph (Philippine Entertainment Portal) si Christian matapos ang presscon ng NYMA sa Power Mac Center sa Circuit Makati sa Makati City, noong August 3, 2023.
Read: GMA-7, ABS-CBN sign historic deal for 'It's Showtime' airing on GTV
CHRISTIAN'S PARTICIPATION IN UNBREAK MY HEART
Bahagi rin si Christian sa historic collaboration ng ABS-CBN at GMA-7 nang ipalabas ang prime-time series na Unbreak My Heart sa GMA-7.
Ang Unbreak My Heart ay pinagbibidahan nina Jodi Sta. Maria, Joshua Garcia, Gabbi Garcia, at Richard Yap na galing sa dalawang networks.
"I'm part of the theme song ng Unbreak My Heart, which is 'You Are Everything.'
Na nung nandun ako sa premiere, nandun yung mga boss ko pareho.
"And talagang kami ni Iya, parang nung nagkita kami ni Iya, parang first time nangyari, nandito tayo lahat."
Ang tinutukoy ni Christian na mga boss niya na dumalo sa okasyon ay si Atty. Annette Gozon-Valdes, Senior Vice President ng GMA-7, at Carlo Katigbak, President ng ABS-CBN.
Si Iya Villania ang nag-host ng premiere night ng serye noong Mayo.
Dagdag ni Christian: "And mas makakatulong kasi some of the ABS stars puwedeng mag-guest sa GMA shows, some of the GMA stars puwedeng mag-guest sa kabila.
"So, of course, with the right channels, management, contracts, and schedules, parang anything's possible."
Read: What PEP.ph thinks of It's Showtime being slapped with a violation by MTRCB; what about E.A.T?
still a solid kapuso
Sampung taong Kapamilya star si Christian bago siya lumipat sa GMA-7 noong 2013.
Kadalasang matinding batikos ang inaabot ng isang artista kapag lumilipat sa ibang TV network dahil nakukuwestiyon ang loyalty nito.
Sabi ni Christian tungkol sa network war noon: "Iba pa kasi yung culture, di ba? Iba yung time. Iba yung time dati.
"The competition is part of it. And, what is good about competition is pareho kayong nagiging the best because you want to be the best.
"So, yes, meron mga struggles, meron mga hirap. Pero, ang goal mo kasi is to be better always."
Ngayon ay sampung taon nang Kapuso si Christian.
"Ultimately, first, I'm very, very happy that I am here sa GMA, and [they give me] so much opportunity, shows, concerts here and abroad.
"And, nung nag-renew nga kami during the pandemic, medyo naging emotional ako kasi parang here's a channel na nagre-renew ng artists during the pandemic, na hindi pa sure yung lahat.
"Pero nire-renew nila kasi parang yung value and yung belief sa akin, talaga natuwa ako sa kanya. I am very grateful."
Read: Christian Bautista describes GMA-7 as network “who sees your value”
ON BEING CO-MANAGED BY NYMA AND STAGES
Nakapanayam ng PEP.ph si Christian pagkatapos ng presscon ng NYMA, ang talent management arm ng tradigital company na Kroma Entertainment.
Isa si Christian sa mga bagong pasok sa roster of talents ng NYMA, na pinamumunuan ng kanyang asawa na si Katrina Ramnani Bautista.
Read: Christian Bautista, bagong "boss" ang misis na si Kat Ramnani
Kasabay niya ang K-pop star na si Eric Nam na inilunsad na bahagi ng agency, at pareho silang may co-managers.
Read: Eric Nam: Accidental K-pop star
Sa kaso ni Christian, co-managed siya ng Stages, na kanyang management sa loob ng 20 taon.
Naging smooth ba ang co-management deal niya sa NYMA at Stages?
Sagot ni Christian, "Yes, naging smooth. Ang gusto ko na rin talaga is, if you see yung NYMA, most of them are digital content creators.
"I really also want to learn from that and go into that space. I really need to be in that space. So, I am in that space.
"Pero, I really want to do more."
Isang hamon daw kay Christian ngayon ang pasukin din ang digital content creation.
"Kasi, parang, people are saying na the digital space is for GenZ lang or millennials... No.
"If you have experience, yun nga, puwede kang maging mentor. If you have skill, pagkanta, puwede kang kumanta or magturo ng pagkanta.
"Kung gusto mong makipag-connect, gusto mong mag-livestream, kahit kailan puwede kang mag-livestream, magko-connect sila sa inyo right then and there.
"At, makarinig ka ng mga life-changing words na, 'Boy, I remember your song, nag-break ako, nakatulong sa akin.'
"So, I need to do more of that."