Sa mediacon ng Motorsport Carnivale, sa Okada Manila, suot ni Jomari Yllana ang racing jacket na isinuot niya nang lumaban siya sa South Korea at maging kauna-unahang Filipino podium finisher noong 2014.
"Wala lang, feel ko lang na isuot ko ang winning gear ko. Ang winning shoes sa pulitika, yun lang ang na-feel ko kanina," saad ni Jomari sa panayam ng press noong August 1, 2023.
Dagdag niya, "And as you can see, these are my sponsors during my 2014 win."
Kasama ni Jomari sa mediacon ang fiancée na si Abby Viduya.
Malinaw na suportado ni Abby ang passion ni Jomari pagdating sa motorsport.
Read: Abby Viduya, Jomari Yllana set November wedding date
Pero inamin ni Abby na iniyakan niya si Jomari dahil sa nerbiyos sa tuwing magkakarera ito.
Inalam ng Philippine Entertainment Portal (PEP.ph) kay Jomari kung paano niya nabibigyan ng assurance si Abby na safe siya at hindi ito dapat mag-alala.
"She was freaking out two weeks going to the rally. Kinausap ko siya, sabi ko, 'You’re freaking out. I understand. Alam ko yan, nararamdaman ko. You don’t have to freak out.'"
Napatunayan daw ni Jomari kay Abby na hindi nito kailangang mangamba.
Lahad ni Jomari: "Pagdating nong rally, after the first few stages and meron cut to go the service area, nandun kami sa service area and I was with my co-rider.
"When we went down, we were like kids, nakangiti, hanggang tainga. Kumikislap ang mga mata namin.
"And when Abby saw us, sabi niya, 'Nakita ko ‘tong dalawang ‘to, okay naman pala sila.'
"Yun ang story ni Abby ng first experience niya with competition ng rally.”
Read: Abby Viduya reveals Jomari Yllana was the reason she came back to the Philippines
ON GETTING MARRIED
Kinumpirma rin ni Jomari na ang race niya ay hindi na lang sa motorsport, kundi itutuloy na rin niya ang race ng kanyang relasyon kay Abby sa pamamagitan ng kasal.
"It’s [an] open secret na rin here in show business that we’re getting married sometime in November," sabi niya.
Trabaho ang dahilan ni Jomari kung bakit naisipan nila ni Abby na magkaroon muna ng civil wedding sa Las Vegas, U.S.A.
Ayon sa aktor, “I can’t be away from work. As councilor, as legislator, hindi ako puwedeng mawala ng Thursday. So, nag-timing kami ng holiday break para makaalis kami.
"And then, magtsi-church wedding kami sometime next year or early 2025 in my hometown, hometown ng mommy ko, sa Peñafrancia, Naga City.”
Read: Elijah Canlas's youngest brother, JM Canlas, dies at 17
Nang usisain kung tingin niya ay nasa good place siya ngayon, natatawang biro ni Jomari, "Excited nga kaming testing-in yung Okada room namin!"
Sabi pa niya, "Joking aside, we’re very, very happy. We’re very blessed. We’re doing everything together.
"Ako, okay na ‘ko. Gagarahe na ako. I’m doing what I love and I’m together with the one I love.”