Kasal na ang actress-TV host na si Maja Salvador, 34, sa businessman-boyfriend nitong si Rambo Nuñez, 35.
Idinaos ang seremonya ng wedding ng dalawa sa Apurva Kempinski Bali, isang 5-star hotel sa Bali, Indonesia, ngayong Lunes, July 31, 2023.
Read: Maja Salvador, Rambo Nuñez wear matching white outfits at pre-wedding dinner
Napakaelegante ni Maja sa kanyang white gown na may katamtamang train.
Read: FIRST LOOK: Maja Salvador stuns in Zuhair Murad wedding gown
View this post on Instagram
Sa Instagram, nag-upload si Rambo ng larawan nila ni Maja sa harap ng altar.
Caption niya, "MR Forever [heart emoji] 31 July 2023 [ring emoji]"
View this post on Instagram
Kabilang sa celebrities at personalities na dumalo sa destination wedding ay sina John Lloyd Cruz, Kathryn Bernardo, Daniel Padilla, Joshua Garcia, Maine Mendoza, Arjo Atayde, Janella Salvador, Richard Gutierrez, Sarah Lahbati, MJ Lastimosa, Kakai Bautista, Pooh, Laureen Uy, at. Dr Aivee Teo.
Kabilang sa bridesmaids ni Maja sina Kathryn, Maine, Janella, at Kakai.
Kabilang naman sa principal sponsors sina ABS-CBN CEO Carlo Katigbak, Leyte 4th District Representative Richard Gomez, at actor-singer Ariel Rivera.
Read: Maja Salvador-Rambo Nuñez wedding guests arrive in Bali, Indonesia
Ang pag-iibigan nina Maja at Rambo ay masasabing “love is lovelier the second time around.”
Twenty-one years old lamang si Maja nang naghiwalay sila ni Rambo, at inamin niyang career ang pinili noon kaysa sa pag-ibig.
Apat na buwan lamang tumagal ang relasyon nila noon.
Muling nagkrus ang landas ng dalawa noong 2018.
Sabi ni Maja sa panayam sa kanya ng Metro Magazine, "Ang dami naming random na pagkikita — sa airport lounge, sa isang gym.”
Muling nagpakita ng interes noon si Rambo kay Maja para muli silang mag-catch up sa mga panahong hindi sila nagkikita.
Pero naasiwa si Maja na makipag-usap sa ex-boyfriend.
Kalaunan, muli na rin siyang nakipagkomuniskasyon sa binata.
February 14, 2019 nang magkabalikan sina Maja at Rambo.
Pag-alala pa ni Maja, “Nagkasama kami ng Valentine's Day. Yun yung Valentine's Day na nagbigay siya ng flowers na [may kasamang card na,] 'Thanks for being my Valentine after nine years.' Nagtuluy-tuloy [na].... February, naging kami.
“Sabi ko [sa sarili ko], walang balikan [sa ex] pero sobrang laking bagay talaga nung family niya.
“Pinaramdam niya [Rambo’s mom] na anak niya rin ako, yung mas kakampi siya sa akin kesa kay Rambo.”
Para naman kay Rambo, “meant for each other” talaga sila ni Maja.
Ani Rambo sa panayam pa rin ng Metro, "I guess, even before, it just made sense. We were brought back together and nothing has changed...
"What I saw in her before is still the same thing—proof that she’s probably 'The One' despite those 10 years."
Araw ng Pagkabuhay, noong April 17, 2022, sabay na inanunsiyo nina Maja at Rambo ang kanilang engagement.
Sa El Nido, Palawan nangyari ang engagement kung saan narooon ang dalawa at ang kani-kanilang pamilya para magbakasyon.
Read: Maja Salvador is now engaged to Rambo Nuñez Ortega: "My new beginning."
READ MORE: