Nagsumbatan sa social media ang personal assistant ni Heart Evangelista na si Rezsty Rosell at ang makeup artist na si Justin Louise Soriano sa gitna ng kontrobersiya sangkot ang dating glam team ng Kapuso actress.
Kahapon, July 27, 2023, tila hindi nakatiis si Justin mag-react sa Facebook post ng isang nagpakilalang fan ni Heart. Sinasabi nitong may impormasyon siya tungkol sa isyu.
Kamakailan ay nagkaroon ng falling-out sa pagitan ni Heart, sa isang banda, at ni Justin at hair stylist na si Jeck Aguilar, sa ibang banda.
Umalma si Justin sa aniya'y pagkakalat ng "fabricated" information ng fan kaugnay ng falling-out nila ni Heart.
Tinawag ni Justin na "kiss-ass" ang fan na sinabi rin niyang nakikisawsaw sa isyu kahit walang alam.
Sabi ni Justin sa fan (published as is): "Ang dami mong di alam. Tapos makapag ga ganyan ka. Bakit tumira ka ba kasama namin ng 2 and a half years. Magisip ka nga."
Hindi pa rin sinabi ni Justin ang dahilan ng pag-alis niya sa glam team ni Heart, pero dineny niya na may kinalaman ito sa attitude o sa pera.
Ani Justin kalakip ng brain emojis: "bakit kasi attitude at credit card pino point out nyo? Ang superficial kung yang dahilan."
REZSTY'S TIRADE VS JUSTIN
Sa puntong ito sumingit si Rezsty Rosell, ang personal assistant ni Heart, para depensahan si Heart.
Kinuwestiyon ni Rezsty kung bakit kailangang sumagot si Justin sa Facebook post ng fan gayong hindi naman daw pinangalanan si Justin.
Aniya, lalo raw uminit ang isyu dahil nag-comment pa si Justin.
Bahagi ng pahayag ni Rezsty (published as is): "for 2 1/2yrs ibig sabihin ginamit mo lang din si heart? tanong ko lang, gusto ko lang malinaw na kasagutan,
"wala bang nagawang mabuti si heart sa inyo lalo na kay jecka?
"kasi sa mga pinagsasagot mo dito sis parang wala naman tayong UTANG na loob sa kanya niyan,
"tandaan naman natin na hindi kayo makilala lalo kana kung hindi dahil sa kanya..."
Dito, ang unang sagot ni Justin ay may kinalaman sa aniya'y "mga sinabi dati" ni Rezsty tungkol kay Heart.
Tila mayroon silang mga personal na usap-usapan noon bilang mga taong malapit at madalas nakakasalamuha ng aktres at influencer sa likod ng camera.
Makahulugang sabi ni Justin: "taray ate resty. Parang wala kang mga sinabi dati ah hahaha. Okayy ill shut my mouth. Iba ka sis hahaha."
Mabilis na inamin ni Rezsty na meron siyang naging mga personal na saloobin kay Heart pero diretsahan daw nitong nasasabi sa aktres.
Sabi ni Rezsty (published as is): "hindi ako nagdedeny na may sinabi ako at sinabi ko lahat kay heart at kay sir chiz yun, malinis ang konsensya kung harapin lahat,
"eh ikaw? dapat manahimik ka kasi pagkatapos ng lahat lahat ng ginawa ni heart sayo lumalabas wala kang utang na loob."
Sabi rin ni Rezsty kay Justin, "para makapasok ka sa team ni heart," siniraan daw nito ang dating makeup artist ni Heart na si Albert Kurniawan.
Sumbat ni Rezsty: "FYI WALA KANG CAREER kung hindi dahil kay Heart."
Read: Is Joshua Garcia dating French-Filipino golfer Emilienne Vigier?
JUSTIN HINTS AT VOLUNTARY RESIGNATION
Mariing pinasinungalingan ni Justin ang mga alegasyon ni Rezsty.
Suportado raw mismo ni Albert Kurniawan ang pagpalit niya rito bilang makeup artist ni Heart.
Ani Justin (published as is): "luh ano paninira sinasabi mo ate may convo kami ni albert asa whatsapp ko pa.. uuwi na dapat ako province nun kasi nahohomesick ako
"pero sbi ni mama albert fly high. Ur time ill support u all the way. San galing yan ate?"
Sa puntong ito, ipinahiwatig ni Justin na kusa silang "umalis" ni Jeck bilang glam team ni Heart nitong June 1, 2023.
"Grateful" daw si Justin sa mga oportunidad na ibinigay ni Heart sa kanila ni Jeck.
Pero diin din ni Justin, ang hindi niya mapapalampas ay ang maakusahan sila ni Jeck na pinerahan at ginamit ang credit card ni Heart nang walang paalam.
Pagdedetalye ni Justin (published as is): "Tahimik naman na lahat.. bakit biglang may nagkakalat ng cc. Una si jecka.. tas biglang minemention na ako.
"May pamilya kami ate alam mo naman yan. Nag aalala din sila sa kung ano ssbhn ng tao sa amin.
"si jecka sa totoo lang nanahimik nalang pero sa tingin mo ba hnd sya nawindang sa mga sinasabi ng tao.. birthday pa ng tao un. Sa reel icocomment nila yan din ba ung sa CC."
Read: Heart Evangelista stuns in Maison Schiaparelli, Bulgari at GMA Gala 2023
JUSTIN'S DEFENSE ON HIS DECISION TO SPEAK UP
Hindi lang daw ang kredibilidad nila kundi pati integridad ang nakukuwestiyon dala ng isyu ng credit card.
Dire-diretsong sabi ni Justin: "Sana naiintndhan mo na kailangan ko ding sumagot kung ibang issue to itutulog ko lang to. Pero hindi eh. Money matters, financial involved parang ang lumalabas ninakawan namin sya at ginastos at ginamit card.
"Ni minsan hindi kami nakialam ng card nya.. even nung nawala si kat at walang magbubook ng ticket dba wala pa sa atin ang gusto sumalo ng magbubook kasi ayaw natin pakialaman card or anything.
"Lahat ng inuutos nya bank transfer sa pag help dati nung pandemic naka audit lahat. grateful kami ate.
"At hindi naman ganun ganun lang ung pinagsamahan namin ni heart.
"Nakakalungkot lang din na may mga ganito pang lumabas tapos ung mga fans pa mismo ang nagkalat.
"Gumising ka isang araw. Ganun na ang bubungad sayo. Di ka ba mag aalala? Di ba tatawag magulang mo? Mga kaibigan mo na nakakakilala sayo?
"Hindi biro tong issue na to sa amin lalo nat naging transparent kami ng sobra kay heart. kahit piso nga binabalik at sinasama sa audit."
Sa isang punto, umapela na si Justin na ang kampo ni Heart mismo ang magbigay-linaw na hindi totoo ang money at credit card issue.
Ani Justin (published as is): "kinailangan ko magsalita at dumepensa kasi tao lang din ako. Nasasaktan ako sa mga nababasa ko.
"At kung talagang may pinagsamahan din kami ni heart. Dba dapat kayo agad magcaclarify na walang katotohanan ito. Pero hinayaan nyo lang kumalat.
"Sana ate naiintndhan mo kung san ako nanggagaling."
Sinabi rin ni Justin na pinalitan nila ni Jeck ng magandang serbisyo ang anumang oportunidad na ibinigay sa kanila ni Heart.
Paglilinaw ng makeup artist: "Ung utang na loob. Sguro naman sa efforts at paghelp ko sa content ni ganda manila man o paris mga trabahong hnd na kasama sa job description ni jecka na gngwa nya sguro naman nabayadan narin namin ate."
Read: Tito Sotto on TAPE: "They're deceiving the people by saying na sila yung 'Eat Bulaga!'"
REZSTY ON CREDIT CARD ISSUE
Sunud-sunod naman ang mga sagot ni Rezsty sa mga pahayag ni Justin.
Ayon sa PA, hindi raw dapat isisi kay Heart ang credit card issue dahil hindi daw ang aktres ang nagkalat niyon.
Kasama pa raw ni Heart sina Justin at Jeck nang gawin ng aktres ang TikTok tungkol sa maxed-out credit card nito, kaya hindi na raw dapat nagpaapekto si Justin sa credit card issue.
Katuwiran pa ni Rezsty (published as is): "Bakit ka masasaktan kung hindi naman totoo ang tungkol sa cc na yun?
"bayad naman kayo dun sa ginagawa niyo sa kanya may retainer kayo monthly at lahat ng endorsements ni heart sa inyo binibigay at pinaglalaban niya palagi ang tf niyong pagkataas taas..
"dapat nga tinulog mo nalang, Bakit si heart ba nagkalat ng tungkol sa CC? sinabi ba niya pangalan niyo para magreact ka ng ganyan?
"sisihin mo yung taong nagkalat at hindi si heart,
"kung Grateful ka tahimik ka sis katulad ng ginawa ni ms.kat, yun naman pala eh hindi lang ganun ganun pinagsamahan niyo ni heart pero BAKIT KAYO GANUN?
REZSTY ON JUSTIN AND JECK'S RESIGNATION LETTER
Sa puntong ito, naglabas ng saloobin si Rezsty tungkol sa aniya'y mga "panunumbat" na nilalaman ng resignation letter nina Justin at Jeck kay Heart.
Sabi ni Rezsty kay Justin (published as is): "wag mo ng idamay si jecka kasi nilason mo na nga ng todo utak niyan,
"kung grateful ka sa lahat magpapaalam ka ng maayos hindi yung idaan mo sa sulat tapos pagsalitaan si heart ng masasama na akala mo walang nagawang mabuti sayo.
"may pa i love you pa kayong nalalaman tapos anong laman ng sulat niyo?
"puro panunumbat jusmeo hindi kayo nahiya na akala niyo walang nagawa sa career niyo ha.."
Dagdag ni Rezsty: "For 3 years hindi niyo man lang kinausap ng maayos? kilala niyo si heart at alam niyong MAHAL NA MAHAL kayo ni heart lalo na si jecka pero anong ginagawa niyo? nagkakalat kayo."
ON HANDLING MISUNDERSTANDINGS WITH HEART
Aminado si Rezsty na may mga pagkakataong siya man ay may hindi pagkakaunawaan kay Heart, pero hindi raw niya ito dinala sa social media.
Lahad ni Rezsty (published as is): "Lahat tayo sis may attitude, kung maldita ka maldita din ako,kapag galit ako kay heart kaya kung sabihin hindi katulad niyo na kapag kaharap mabait kayo kapag nakatalikod tinitira niyo,
"kayo ang tinuturing na kaibigan at pamilya tapos ginanun niyo, tapos bawat tao na makaharap niyo kukwentuhan niyo ng kung ano ano, kalokaaa ha!
"Dapat manahimik ka at ipagpasalamat lahat ng nangyari sa career mo kung grateful ka.
"WALA BANG NAGAWANG MABUTI SI HEART SAYO?madami db?or gusto mo isa isahin ko kasi may amnesia ka ata sis."
Sa huli, huminto na sa mga tirada si Rezsty nang hindi siya sinagot pa ni Justin.
Nagpasintabi rin si Rezsty na mapapagalitan daw siya dahil sa pagdedepensa niya kay Heart.
Pero ani Rezsty, tatahimik siya kung tatahimik rin si Justin.