Isang taon matapos mag-viral ang estudyanteng hinarang na makamartsa sa araw ng kanyang graduation, isa na siya ngayong registered nurse!
Yes, pasado si John Marcelino Rosaldo sa Nursing board exam noong May 2023. Lumabas ang resulta noong June 10, 2023.
Read: Nursing student sa La Union, hinarang ng school ang pagmartsa sa mismong graduation?
Balikan muna natin ang nangyari noong 2022.
June 23, 2022, ginanap ang graduation ceremonies sa Lorma Colleges sa San Fernando, La Union.
Nang pumila na si Marcelino para umakyat sa stage, hinarang siya ng isang clinical instructor ng school.
Sinabihang hindi siya maaaring umakyat sa entablado para tanggapin ang kanyang diploma.
Ang isyu—hindi nakapag-comply si Marcelino sa pagbayad ng graduation fee na PHP2,750.
Ilang saglit matapos ang graduation ceremonies, nakita ni Marcelino ang e-mail mula sa school administration na kinukumpirma ang payment niya ng graduation fee.
Nagbayad si Marcelino via GCash isang araw bago ang petsa ng graduation. Nagkaroon ng miscommunication.
“I felt robbed of the opportunity to make my family proud to see me up on stage, graduating,” ani Marcelino sa kanyang pahayag.
Read:
- John Marcelino Rosaldo isiniwalat ang buong pangyayari sa "traumatizing" graduation
- Lorma Colleges may pahayag sa isyu ng nursing student na hindi pinaakyat sa stage
- Lorma Colleges sa isyu ni John Marcelino Rosaldo: "We have been widely pre-judged by the public."
JOHN MARCELINO ROSALDO PASSES BOARD EXAM
Bagamat lumabas ang resulta ng May 2023 nursing licensure exam noong June 10, 2023, hinintay muna ni Marcelino ang June 23 para i-post ang kanyang pagkakapasa.
Eksaktong isang taon ito simulang nung mangyari ang hindi malilimutang araw ng kanyang pagtatapos sa kolehiyo.
Binalikan niya ang mapait na na nakaraan sa isang Facebook post.
Bahagi ng kanyang sinabi, “What happened was traumatic, embarrassing, hurtful and devastating and should not be experienced by any student.
“Yes, it has been a year but it’s still there and will always be there, even if I try not to remember that specific moment, I can’t seem to forget it.
“Wanna know why? It’s because I’ll always be reminded every time I see students graduating and it’s inevitable…”
Pero napagtanto raw ni Marcelino na ang lahat ay may dahilan. Sa kanya pa rin ang huling halakhak.
Aniya (published as is): “God is so good that he heard all our prayers and today, I am so proud to say that I am now a REGISTERED NURSE and no one can rob me of this title, excitement and moment of joy and happiness that I’m experiencing.
“RN NA AKO!!! at taas noo kong sasabihin yan kahit kanino!”
Kasunod nito ay isa-isang pinasalamatan ni Marcelino ang kanyang mga kapamilya, mga kaibigan, review center, at iba pang tumulong sa kanya.
“Grabe one take lang ako!” masayang sabi ni Marcelino.
Sa kanyang TikTok account, gumawa rin ng short video si Marcelino na ipinakita ang nangyari sa loob ng isang taon mula nang mag-viral siya sa kanyang graduation.
Nabanggit niya rito ang pag-iyak niya sa mga kaibigan dahil hindi siya nakaakyat ng entablado.
Naghanap rin siya ng trabaho para makatulong sa pamilya, at nag-resign para simulan ang pagre-review.
“I’ve been through a lot during my review,” post niya.
Ipinakita rin ang highlights, tulad ng bonding with fellow reviewees at pagbisita sa simbahan para ipagdasal na makapasa sana siya.
At sa huli, “Nothing more to say kundi… RN na ko!
“What a journey.”
Congratulations, Nurse John Marcelino Rosaldo!