Hindi makapaniwala ang Kapamilya actress-singer na si Belle Mariano na mapapansin at pupurihin ni Asia’s Songbird Regine Velasquez ang kanyang latest single na “Somber & Solemn.”
Noong July 17, 2023, ipinost ni Regine sa kanyang Instagram ang maikling video clip sa music video ng bagong release na kanta ni Belle na siya mismo ang nagsulat.
Mababasa sa caption ni Regine (published as is), “Wow what a beautiful song and voice [smiley emoji].”
Nakapanayam ng PEP.ph (Philippine Entertainment Portal) si Belle kasama ang ilang miyembro ng entertainment press nitong Miyerkules, July 19, 2023.
Pag-amin ng dalaga, nagulat siya sa ginawang pag-post ni Regine.
Hindi raw kasi siya makapaniwala na pupurihin siya ng kanyang ultimate inspiration pagdating sa music.
Lahad ni Belle, “Oh my gosh! Actually, nakita ko po yon 12 midnight.
“Tumakbo po ako sa mom ko. Sabi ko, 'Oh my gosh, pinost ni Ate Reg, hindi ako makapaniwala.'
“Like, grabe, sobra, she's one of my inspirations when it comes to music.
“Grabe! To be praised by Ms. Regine, my gosh! Thank you so much.”
Read: Sarah Geronimo reminisces about how Regine Velasquez helped her when she was a newbie
ON ASKING FOR ADVICE FROM REGINE
Bilang masugid na tagahanga ni Regine, nilalapitan daw talaga ni Belle ang Asia's Songbird kapag nagkikita sila sa ABS-CBN para sa Sunday musical-variety show na ASAP Natin 'To.
Saad ni Belle, “Several times actually, whenever we perform sa ASAP po or this one instance na I was given the chance to interview her, I asked for advice, like, 'How do you get the confidence on stage?'
"Siyempre hindi maiiwasan na magkakaroon tayo ng stage fright.”
Read: Lovi Poe fangirls over Regine Velasquez: “Pwede na ako mamatay.”
Hindi raw madamot si Regine sa pagbibigay ng advice kaya rin sila naging malapit ni Belle.
Kuwento ni Belle, "Si Ate Reg po kasi super approachable niyang tao, as in siya yung hinihingian ko ng advice when it comes to music talaga, like, sa ASAP.
“Kunwari may performance kami together, oh my gosh, si Regine Velasquez ba naman makaka-perform mo!
"Siyempre, I'll ask advice from her na 'Ate Reg, paano ba ito?' Sa ganoon, naging close na po kami.”
Read: Kim Molina in tears after meeting idol Regine Velasquez again
BELLE’S BELOVED SOLD OUT CONCERT
Puspusan na ang paghahanda ni Belle sa papalapit niyang Beloved concert na gaganapin sa Sabado July 22, 2023, sa New Frontier Theater sa Cubao, Quezon City.
Lalo na noong nalaman daw niyang mabilis na-sold out ang tickets sa kanyang concert.
Read: Kyline Alcantara recalls dreaming big with childhood friend Belle Mariano
Ani Belle, "Siyempre nakakatuwa. Like, never ko siyang in-expect actually.
"Like ngayon, kinakabahan ako, at the same time excited ako. My gosh, sold out. Parang ito yung biggest celebration, biggest gathering na magaganap."
Read: Belle Mariano spotted at Donny Pangilinan's New Year family reunion
Ngayon pa lang, labis-labis na raw ang pasasalamat ni Belle sa mga tagahanga niyang patuloy na sumusuporta at nagmamahal sa kanya.
"I don't know. I am so scared to do the concert, honestly. Kasi parang, my gosh, it's going to be so emotional for me siyempre lahat nandiyan ang emosyon.
“Natatakot ako but, at the same time, sobrang tuwa ko.
"Sobrang salamat sa kanila. I am so grateful."
Dagdag pa ni Belle, "Sobrang hindi ko inakala like the five-year-old Belle is living now and I won't be here without them."
READ MORE: