Nilinaw ng Megastar na si Sharon Cuneta na hindi totoo ang alegasyong inisnab siya ng Kapamilya actress na si Barbie Imperial.
Noong June 24, 2023, nag-iwan ng mensahe si Sharon sa Instagram feed ni Barbie para ipaliwanag ang isyu.
Nakarating daw kasi sa Megastar na naba-bash si Barbie dahil sa maling paratang dito.
"Hi Barbie! A friend of mine just told me today that you have been getting some flak for supposedly snubbing me?
"I am so so sorry you have to go through this. I haven’t even seen you in person as far as I can remember! You have done nothing wrong," saad ni Sharon.
Dagdag niya, "I hope to meet you someday! Please be strong and remember I have no idea where this issue came from either!
"God bless you - and I hope you don’t mind my posting this on your comments. Take care!"
Parehong talents ng Viva Artists Agency sina Sharon at Barbie kaya hindi malayong magkrus ang landas ng dalawa.
Nag-direct message rin si Sharon kay Barbie para sabihing may permiso ng Megastar sakaling gusto ni Barbie na i-post sa social media ang mensahe ni Sharon para malinawan ang followers nila.
Ni-repost ni Barbie via Instagram Story ang mensahe sa kanya ni Sharon.
Ayon kay Barbie, kinilig siya sa pag-reach out ng Megastar at nagpasalamat siya sa pagbibigay-linaw nito kung mayroon mang nang-intriga sa kanila.
Nang i-post din ni Sharon sa IG story ang pag-send niya ng message kay Barbie, sabi ng Megastar, "I hope it clears us that issue."