Hindi na matandaan ni Cristine Reyes na nagkasama sila ni Marco Gumabao sa Tubig at Langis, ang 2016 drama series ng ABS-CBN.
“Hindi nga niya ako pinapansin nung Tubig at Langis. Hindi nga niya maalaala na nasa Tubig at Langis kami!” natatawang pagbabalik-tanaw ni Marco tungkol sa proyektong pinagsamahan nila noon na nakalimutan n ani Cristine.
Sa panayam sa kanila ni Bea Alonzo para sa YouTube channel nito, ipinagtapat ni Marco na matagal na nitong crush si Cristine.
Una silang nagkakilala noong 2015 at naging magkaibigan noong 2018.
Read: Cristine Reyes on boyfriend Marco Gumabao: “Definitely not Tropa anymore.”
“Crush ko na siya before pa. I remember before, laging kapag tinatanong ako, siya talaga yung isinasagot ko,” ani Marco, na naging kapitbahay pa ni Cristine.
Isiniwalat ni Marco na una siyang nagsabi ng "I love you" kay Cristine habang nagbabakasyon sila sa Siargao.
“Nasa Siargao kami. Matagal ko nang gustong sabihin, but I was looking for the right moment,” pahayag ng aktor.
SURPRISE ANNOUNCEMENT
Ginulat ni Marco si Cristine sa kanyang pasyang isapubliko ang kanilang pagmamahalan sa pamamagitan ng Instagram post noong April 2023.
Read: Instagram official: Marco Gumabao calls rumored girlfriend Cristine Reyes “my home”
Kuwento ni Marco, “We knew kasi na it will gonna come out sooner or later, kasi marami nang nakaka-pick up ng we were spotted in Siargao.
“Ako naman, hindi ko actually iniisip talaga kung ano yung iniisip ng ibang tao. Kumbaga, yung relationship namin, gusto ko special between the two of us.
“Yung sa pag-post ko lang, first monthsary namin yon. Ginulat ko siya.
"Magkasama kami the whole day, hinintay ko muna na magkahiwalay kami. Umuwi muna siya tapos dun ko ipinost."
Sabi pa ng Viva hunk, “Si Cristine, planado lahat. Ako, gusto ko spontaneous.
"Life is talagang punung-puno, unexpected surprises, so we have to learn how to maneuver.
“I don’t live to please people.Actually, natuwa kami sa pagtanggap ng tao kasi parang 95 percent positive."
Samantala, "unbelievably perfect" ang pagsasalarawan ni Marco sa relasyon nila ni Cristine.
Oras, words of affirmation, at touch naman ang mga itinuturing nilang love language sa isa't isa.
Kinumusta rin ni Bea ang relasyon ni Marco sa anak ni Cristine na si Amarah.
Aniya, “Sobrang okay. Sobrang sweet ni Amarah talaga.
"And I was telling her [Cristine] nga before, nung first na nagkatrabaho kami sa Tubig at Langis, parang may soft spot ako sa kanya, baby pa lang siya."
Ibinida ni Marco na clingy at romantic siya, pero hindi seloso maliban na lang kung bibigyan siya ng dahilan para magselos.
Ano naman ang opinyon niya tungkol sa live-in arrangement ng magkakarelasyon?
Saad ni Marco, “In a Christian’s point of view, dapat hindi. But in the world we are in right now, yun ang nagiging norm, so it depends.
"Pero I think puwede naman. Pero siguro before na lang kayo ikasal. Siguro a month before ikasal. Siguro puwede na yon.
"Pero yung, like, years before, parang for me it’s important to have your own space and individuality.”