Game na game si Rabiya Mateo na pag-usapan ang relasyon nila ni Jeric Gonzales nang makapanayam ng PEP.ph (Philippine Entertainment Portal) sa nakaraang mediacon ng Royal Blood na magsisimula na sa GMA Telebabad sa June 19.
Nilinaw ng 26 year-old beauty queen/actress at TV host na 18 months na raw sila ni Jeric, kasama na roon nung nag-break sila.
Isang linggo lang naman daw ang break-up na iyun.
“Nag-break po kami ni Jeric, siguro mga one week lang, parang wala lang.
“Parang nag-away lang kami na nagkatampuhan. But because we’re in showbiz, parang everything was blown out of proportion.
“So, nung nagkaayos na kami, saka palang lumabas yung article na break na kami, this and that.
“So, nag-usap na kami na, ‘okay, panindigan na lang muna natin ‘to,’ because we don’t want to confuse the public and have them say na, ‘ano ba, gimmick ba nila ‘to?!?’
“Tapos, nung naging private kami, we fixed yung mga bagay na kailangan naming ayusin,” pahayag ni Rabiya.
Marami silang natutunan sa maikling break-up na yun, na lalong nagpalalim sa kanilang relasyon.
Aniya, “We had to build each other’s trust ulit. We really need to be honest with each other. And during that time na akala ng tao wala na kami, we were building on something.
“Ako po kasi, that time nung wala na, I was looking forward to move on with my life because may trabaho po ako, may pamilya akong kailangang pakainin.
“So, nung bumalik, parang I prayed for it. Parang, sabi ko Lord, it’s gonna be a tough love, it’s gonna be full of challenges, pero kung ito yung taong ibibigay mo sa akin, let me know.
“And then, nagsimba po ako noon and during that time, I know it’s kinda cheesy pero yung service is to love unconditional. You don’t love somebody because…I love you because, ganun. Pero yung totoong pagmamahal is that, I love you even if.”
- Rabiya Mateo, Jeric Gonzales celebrate monthsary with meals worth less than PHP200 in carinderia
- Jeric Gonzales on Rabiya Mateo being 'the one': "I believe so."
- Rabiya Mateo and Jeric Gonzales: A relationship timeline
ACCEPTED BY EACH OTHER’S FAMILIES
Tanggap na rin daw sila ng kani-kanilang pamilya.
Sa katunayan, magkakasama raw silang lahat sa Baguio nung nakaraang New Year.
Nagustuhan daw si Jeric ng kanyang ina.
“She likes Jeric, kasi Jeric is very kind po talaga.
“Jeric is respectful, nakikita ni Mama kung paano ako alagaan ni Jeric. Like, simple lang, like hatid-sundo.
“Kahit pagod siya, he makes sure na safe ako. So malaking bagay yun para sa nanay ko, kasi mag-isa lang ako sa Manila,” pakli niya.
Ganun din naman daw siya na naging close din daw sa magulang ng nobyo.
Yun naman daw ang mahalaga, kahit alam niyang may ilang kaibigan nila na hindi pabor sa kanilang relasyon.
“Ang alam ko, gusto ako ng nanay niya. Palagi kami magkasama ni Nanay sa condo niya. Gusto ako ng pamilya niya, sila naman yung importante.
“Kasi, same goes din naman with Jeric. I have friends, he’s aware of that, who don’t like him for me.
“Pero yung naging pattern namin is that, if that person would go between us, instead na sinusuportahan yung happiness natin, then hindi natin sila kaibigan or they’re not for us.”
RABIYA SEES JERIC AS ‘FATHER FIGURE’
Sa halos dalawang taon nilang relasyon, napapangiti si Rabiya na ibinahagi sa amin na parang nakikita raw niya ang father figure kay Jeric.
“Kasi, wala akong tatay. So, for the longest time, parang ako yung bumubuhay sa family ko.
“Ako yung naging boses nung pamilya namin. Parang he’s the father figure that corrects me.
“Parang isa akong batang... he’s very protective kasi. Yung protection na hindi ko nakukuha sa ibang manly figure, nakukuha ko sa kanya.
“He corrects in private. He supports me in public.
“For example, may mga bagay na hindi niya nagustuhan sa ugali ko, hindi niya ako iku-correct pag may ibang tao. Pero pag kami lang dalawa, he’s gonna tell me kung ano yung mga bagay na I need to work on.
“I think ganun yung klaseng guy na kailangan ko,” tugon nito.
“He may not be perfect, pero he’s a nice guy. And, I want to be with somebody na alam kong mabait, kahit walang camera.
“Kahit hindi man siya perpekto. Pati yung imperfections niya mamahalin ko,” dagdag niyang pahayag.
DEALING WITH EACH OTHER’S ISSUES IN LIFE
Naging tapat daw sila sa isa’t isa, na aware naman silang may kanya-kanya silang isyu sa buhay.
“Sabi ko nga sa kanya, we all have traumas from our past, like I have a lot of skeletons na I don’t want the public to know. Pero we’re each other’s safe space.
“Hindi siya judgmental na tao. Like, marami kasi tayong naririnig from showbiz na, ‘O, si ganito, ganyan, ganito, ganyan.’ Pero siya, never siya sa akin nag-bad mouth ng any artista.
“So parang, dun ko masasabing mabuti talaga siya.
“I didn’t come from a perfect relationship din po. I have a lot of flaws bilang tao, bilang babae.
“Pero I was able to open up myself, and siguro, minsan may mga bagay tayong tinatago not because we want to lie to that person, but we’re afraid of judgment. So, yun yung sinabi ko kay Jeric, na I’m your safe space,” seryosong pahayag ni Rabiya.
RABIYA APPRECIATES JERIC’S GENEROSITY
Ang isa sa nakikita raw niya kay Jeric na kagaya rin ng ilang ex-boyfriends niya, napakagalante raw nito.
“Romantic siya. He’s also a good provider.
“Si Jeric, even though na…minsan mapi-feel ko rin na even though he’s struggling, kung ano mang meron siya, ibibigay niya for us,” bulalas niya.
Pero aminado si Rabiya na parang babaeng bakla rin siya, in the sense na hinihigitan daw niya kung ano ang nabibigay sa kanya ni Jeric.
“Ay, babaeng bakla po talaga ako!
“Namimigay din tayo ng support!
“Yes! Baka mas bakla pa po ako sa inyo,” natatawa niyang pahayag.
“Pero I don’t feel na it’s a bad thing. Kasi I can provide naman. I have job, I can provide. I’m gonna spoil my man, di ba? Ganun tayo!
“Lahat naman ng boyfriend ko naging galante naman, basta meron lang.
“Pero may ugali kasi ako na if he’s gonna give me this one, parang yung pagka babaeng bakla ko na kailangan ko higitan.
“Ay! Binigyan ako ng ganito, bigyan natin ng sapatos!” natatawa niya uling pahayag.
Kinulit na namin kung sino sa kanila ni Jeric ang nagbigay ng pinakamahal na regalo.
Pero nag-isip muna siya sandali.
“Ay, wag na muna! Kasi installment lang yung binigay ko, crinidet card ko.
“Pero parang nahigitan niya ako. Because he gave me my phone, iPhone 14 for my birthday,” napapangiti niyang pahayag.