Nagbigay ng reaksiyon ang composer at ABS-CBN Music creative director na si Jonathan Manalo tungkol sa kontrobersiyang kinasasangkutan ng singer-songwriter na si Moira dela Torre.
Nitong Linggo, May 28, 2023, mainit na usap-usapan sa social media ang mahabang post sa Facebook ni Lolito Go, tungkol sa diumano'y hindi magandang karanasan niya kay Moira.
Katulad nina Jonathan at Moira, isa ring composer si Lolito. Siya ang nag-compose ng “Balikan” na kinanta ni Benj Manalo para sa PhilPop 2020.
Siya rin ang lumikha ng “Ipanalo Natin ‘To,” katuwang si Moira, para sa kampanya ni noo’y presidential candidate na si former Vice President Leni Robredo.
Si Lolito ay asawa ni Libertine Amistoso, ang composer ng “Titibo-Tibo” na Best Song sa Himig Handog 2017. Si Moira ang nag-interpret ng kanta, at dito siya unang nakilala.
Nag-viral ang kanyang post dahil sa mabibigat niyang paratang kay Moira katulad ng pagsisinungaling, pambobola, at ghostwriting.
Read: Songwriter Lolito Go posts string of grievances vs Moira dela Torre; defends Jason Hernandez
Ipinagtangggol din ni Lolito ang estranged husband ni Moira na si Jason Hernandez kaugnay ng mga maling akusasyon umano laban dito matapos nilang maghiwalay ng Kapamilya singer.
Sinabi rin ni Lolito sa ekslusibong panayam niya sa PEP.ph (Philippine Entertainment Portal) na ginawa lamang niya ang pagsisiwalat sa totoong ugali ni Moira dahil walang naglalakas loob magsabi dito na hindi na maganda ang kanyang ginagawa.
Naaawa na rin daw siya kay Jason at sa pamilya nito na kinakawawa ng bashers at siyang dinidikdik sa hiwalayang nila ng singer.
Read: Moira dela Torre’s sister takes a swipe at Jason Hernandez; Jason reacts
Ani Lolito, "Awang awa na kasi ako kay Jason. He takes all the bashing. Pati family nya defenseless eh. Puro sila mababait.
“Walang may lakas ng loob to speak up. I figured somebody has to blow the whistle.
"Hindi lang ito para kay Jason. This is also an act of mercy for Moira.
“She needs to be called out. Kailangang may mag-untog sa kanya sa reyalidad. She's not like that before.
“She needs to be outed to protect her against herself, against self-destruction.”
Read: Songwriter Lolito Go responds to statement of Moira dela Torre's camp
"I vouch for Moira’s good character."
Sa gitna ng mabigat na paratang ni Lolito kay Moira, marami ang dumepensa sa “Paubaya” singer. Isa na rito si Jonathan.
Sa kanyang Facebook post nitong Linggo ng gabi, May 28, sinabi niyang isa siya sa magpapatunay kung gaano kabuting tao, kaibigan, at singer si Moira.
Maaaring hindi raw ito perpekto ngunit hindi rin daw ito masama katulad ng paratang ni Lolito.
Mababasa sa post ni Jonathan (published as is), “Just putting it out there. I vouch for Moira’s good character.
“I’m not saying she’s perfect because no one is. Pero napakabuting tao niyan.
“And her being an exceptional songwriter is already a given and can never be refuted.”
Bago ang nasabing post ni Jonathan ay nauna na ring dinepensahan ni Jeff Vadillo si Moira.
Si Jeff ang vice president ng Cornerstone Entertainment Inc., ang namamahala ng karera ni Moira.
Dito mariing pinabulaanan ni Jeff ang ilang paratang ni Lolito, partikular na ang parte tungkol sa mga magkatuwang na isinulat na kanta o collaboration nina Moira at Jason.
Sabi ni Jeff kay Lolito: “Stop invalidating the work of a hardworking woman. She does not deserve this.”
Read: Cornerstone vice president defends Moira dela Torre against songwriter’s allegations