Ipagpapatuloy ng Kapuso network ang pagpapalawak ng kolaborasyon nito sa iba’t ibang entities—local man o international—para mas maabot ang maraming manonood sa telebisyon at maging sa online platforms.
Ito ang inihayag ni GMA Network chairman and CEO Atty. Felipe L. Gozon sa ginanap na Annual Meeting of the Stockholders of GMA Network, Inc. kahapon, May 17, 2023, via Zoom.
Read also: GMA-7 bags four medals at New York Festivals TV and Film Awards 2023
Ang Kapuso newscaster na si Pia Arcangel ang nagsilbing host sa ginanap na okasyon.
Ayon kay Gozon, “These collaborations aim to expand the distribution of GMA Pinoy TV, GMA Life TV, and GMA News TV in various territories, into new content platforms like on OTT [over-the-top], and into underserved demographic segments, like the Pinoy seafarer community.”
Read also: Matteo Guidicelli, nagsimula na bilang co-host ng ‘Unang Hirit’
Ibinahagi rin niya na nakapagsara na rin ng kasunduan ang Kapuso network sa iWant TFC, Jungo Pinoy, at NowE of PCCW Hong Kong.
Aniya, ang pagkakaroon ng kumpanya ng strategic distribution partnerships sa ibang platforms ang dahilan kaya ang seryeng Maria Clara at Ibarra ay patuloy sa pagiging No. 1 sa Netflix Philippines.
Kabilang naman aniya ang The Write One sa Top 5 most-watched sa Viu Philippines.
Nagpahayag din si Gozon ng excitement sa naging kasunduan sa TFC/iWantTV para sa Europe, Middle East, at iba pa.
Read also: Maria Clara at Ibarra at ibang GMA shows, mapapanood na sa iWantTFC
“Under our agreement with iWantTFC, GMA shows will now reach Global Pinoys in select countries in Asia Pacific, the Middle East, North Africa, Europe, and South Pacific/Caribbean Islands.
“Viewers in these territories can watch GMA programs such as Maria Clara at Ibarra, Abot Kamay na Pangarap, Apoy sa Langit, First Yaya, and The World Between Us.”
Binanggit din niya ang dramaserye na Unbreak My Heart, na co-produced ng GMA Network at ABS-CBN.
Read also: Joshua Garcia, thankful sa warm welcome ng Kapuso network: "Talagang ang babait ng mga tao doon."
Bukod dito, may production deals din sa iba’t ibang production companies na nasa labas ng GMA-7, gaya ng TAPE, Regal, VIVA, ABS-CBN, at iba pang independent producers.
Read also: Is Voltes V: Legacy the most expensive project of GMA-7?
Naitanong naman kay Gozon kung may plano pa ang Kapuso network na mag-produce ng panibagong live action series adaptation kasunod ng Voltes V: Legacy.
Aniya, “It’s under negotiation and study."
Ibinahagi rin niya kung magkano ang nagastos ng network sa Voltes V: Legacy.
“The total production cost, including TV and digital rights for multiple years, would amount to more than half a billion pesos.”
Read also: 'Voltes V' vs 'Batang Quiapo': ano ang panalo sa TV ratings at sa YouTube views?