Ikinasal na ang basketbolistang si Javee Mocon sa modelong fiancée nitong si Maica Palo.
Si Javee ay kasalukuyang naglalaro sa koponan ng Phoenix Super LPG Fuel Masters sa Philippine Basketball Association (PBA).
Una siyang naglaro para sa Rain or Shine Elasto Painters matapos siyang kunin ng koponan nung 2018 PBA Draft.
Bago tumuntong sa PBA ay naglaro si Javee para sa San Beda University Red Lions sa National Collegiate Athletic Association (NCAA).
Malaking bahagi si Javee sa sunud-sunod na kampeonato ng Red Lions noong 2014, 2016, 2017, at 2018.
Hinirang siyang NCAA Finals Most Valuable Player (MVP) nung 2018.
Si Maica naman ay isang modelo at dating lumalabas sa pahina ng FHM (For Him Magazine).
May negosyo ring skin clinic at wellness spa si Maica, at dati rin siyang contract star ng Viva Films.
SETTLING DOWN
Sa perehong Instragram post nina Javee at Maica ay ibinahagi nila ang masayang balita na sila ay ikinasal na.
Ayon sa ulat ng Philippine Daily Inquirer ay naganap ang kasalan sa Baguio Country Club nung Miyerkules, April 26, 2023.
"We wholeheartedly appreciate your presence in our special moments with us," pasasalamat nina Maica at Javee sa kanilang mga mahal sa buhay at bisita.
"Your laughter, tears of happiness, and fantastic dance moves didn’t fail to make our wedding the most memorable."
Taong 2020 nang maging magkasintahan sina Javee at Maica.
Abril naman nung nakaraang taon nang mag-propose si Javee kay Maica habang nagbabakasyon sa Paris, France.
"When that one person that comes into your life so unexpectedly, so unplanned but changes everything, the whole universe is telling you… she’s the one," sabi ni Javee sa kanyang post sa Instagram matapos ang proposal.
Post naman ni Maica sa Instagram: "April.14, 2022, I decided to marry the love of my life.
"The search is finally over and you got me!
"Thanks for always making me feel loved, cared for, and special. I love you so much forever!"