Personal nang nakilala ni Ellen Adarna ang rumored girlfriend ni John Lloyd Cruz na si Isabel Santos.
Si Ellen ay ex-girlfriend ni John Lloyd. Mayroon silang four-year-old son, si Elias Modesto Cruz.
Si Isabel ay isang artist. Apo siya ng yumaong painter/illustrator/cartoonist na si Mauro "Malang" Santos.
Read: Who is Isabel Santos?
Nakapanayam ng PEP.ph (Philippine Entertainment Portal) si Ellen sa Shinagawa Diagnostic And Preventive Care Center inauguration and ribbon cutting, na ginanap sa Ore Central Tower sa BGC, Taguig City, noong Miyerkules, April 26, 2023.
Dito ay ibinahagi niya ang ilang pagkakataong nagkikita sila ni Isabel.
Aniya, "Yes, just 'hi, hello.' Di ba, sinusundo ni John Lloyd si Elias?
"Pag sinusundo ni John Lloyd, then I'll bring him to the car and then she was there.
"We say hi, hello. I acknowledge them."
Hiling ni Ellen na maging maganda ang relasyon nina John Lloyd at Isabel para na rin sa anak na si Elias.
"Be happy for them? Yes, of course, kasi makikita yan ni Elias, e.
"Sana naman happy and harmonious din ang relationship nila kasi magiging standard yan na this is the loving family, loving couple or mother and father should be like."
Sinabi rin Ellen na malayang nahihiram ni John Lloyd si Elias sa kanya, at maganda ang co-parenting arrangement nila ng dating nobyo.
"Yeah, he has twelve days a month with him. I'm fair, I'm very fair," aniya.
Maraming nakakapansin na sa murang edad ay mature nang magsalita at kumilos si Elias.
Pagsang-ayon ni Ellen, "Super mature, very well exposed kasi kahit hindi pa siya nag-start mag-school.
"Ano kasi, like, John Lloyd and I have very different lives. He's exposed to my life, he's exposed to John Lloyd's world, so it merges.
"It's very good for him, yun lang naman ang kailangan nung bata, lots of exposure.
"Yung set-up naiintindihan na niya, kasi two years old pa lang nakasanayan na niya."
Tinanong din si Ellen kung bukas ba siya sa tinatawag na blended family, kung saan maaaring makasama nila ni Derek sina John Lloyd at Isabel sa mga espesyal na okasyon sa buhay ni Elias, at maging magkakaibigan silang lahat.
"At this point, not yet," matapat na sagot ni Ellen.
Paliwanag niya, "Wala pa namang events, let's say di pa nag-i-school si Elias. Birthday? Hiwalay yung celebrations.
"But hopefully that day will come, yes, someday. In time."
Read: Isabel Santos posts holding hands photo with rumored boyfriend John Lloyd Cruz
Read: Ellen Adarna reveals plan to get pregnant this 2023
ON HAVING A BABY WITH DEREK
Plano nina Ellen at Derek na magkaroon na rin sila ng sariling anak.
"Yeah, this year, this year na.
"Well, sana girl para tapos na ang boxing, kasi we both have boy and we only want one na lang.
"I always wanted a girl, but whatever, basta healthy," sambit ni Ellen.
Si Derek ay may isa ring anak na lalaki, si Austin, mula sa una niyang asawa na si Mary Christine Jolly.
Marami ang nakakapansin sa malapit na relasyon nina Elias at Derek.
Ayon sa aktres, ipinapaubaya niya sa asawa kapag nagiging super active na si Elias.
"I think it's a guy thing, it's boys energy. So, parang hyper na masyado, ayan, paubaya ko na kay Derek, 'Ikaw na, hindi ko kaya.'
"I always wanted a girl. But now that Elias is growing up, he's a very sweet boy...
"I don't mind. I don't mind kung another boy," sabi ni Ellen.