Idinaan sa biro ni Sharon Cuneta, 57, ang pagbati niya sa asawang si Kiko Pangilinan, 59, sa kanilang 27th wedding anniversary.
Dalawang araw bago ang kanilang anibersaryo sa Biyernes, April 28, 2023, lumipad patungong Japan ang dalawa para doon mag-celebrate.
Sa Instagram nitong Miyerkules April 26, 2023, nag-post si Sharon ng mga larawan nila ni Kiko habang nakasakay sa eroplano.
Kalakip nito ang kuwela niyang caption tungkol sa saka-sakaling pagkakaroon nila ng isa pang anak dahil sa Japan travel nila.
Mababasa sa post ni Sharon (published as is): "Konichiwa!!! 27th Wedding Anniversary namin ni neybor @kiko.pangilinan sa 28th kaya dinala niya ako sa Japan today!
"Pag nakabuo pa naman kami at nasundan si bunso eh nakakaumay na.
"At pag nangyari yon ibig sabihin kundi nasapian itong si Kiks ay kinulam kami [laughing in tears emojis].
"Love you guys!"
Ikinatuwa naman ng ilang netizens ng kuwelang anniversary message ni Sharon sa kanyang mister.
Read: Sharon Cuneta reconciles with husband Kiko Pangilinan after six-month long LQ
Anila, walang imposible na magkaanak pa ang dalawa lalo na't kung gugustuhin nila.
Komento ng isang netizen, "Excited na ako sa mga susunod na kabanata mama @reallysharoncuneta and Sen. @kiko.pangilinan galingan nyo po kayo ang pag-asa ng sambayanang Sharonian. Go go go Sen!!!"
Saad pa ng isa, "May pananalig ako kay atty kiks. go go go!!! Love you sunshine @reallysharoncuneta happy Anniversary!"
Sabi ng isa, "Pag sumisexy pa naman Mama biglang najujuntis po. Happy Anniversary po Mama and Daddy Neybor!!!"
Ani naman ng isa, "Awww… Happy Anniversary Mega & Sen kiko. It would still be a great blessing if may mabuo [na baby]. Wishing you both a fruitful honeymoon."
Bati pa sa kanila ng isang fan, "Advance happy anniversary Po!! Kaya Naman Pala nag papapayat si sen AHHAHAHAHAHA enjoy po."
Read: Kiko Pangilinan achieves desired weight: "Nagkaroon na ulit ako ng leeg"
Ikinasal sina Sharon at Kiko noong April 28, 1996.
Nagbunga ang kanilang pagmamahalan ng tatlong supling — sina Frankie, Miel, at ang adopted son nilang si Miguel.
Ang panganay ni Sharon na si KC Concepcion ay anak niya sa ex-husband na si Gabby Concepcion.
Sa ulat ng Philippine Entertainment Portal (PEP.ph) noong January 2010, sinabi nina Sharon at Kiko ang plano nilang palakihin pa ang kanilang pamilya.
Kung pagbibigyan daw sila ay nais pa nilang magkaroon ng anak.
Sabi ng dating senador, "Sabi ko, kung ano ang ibibigay ng Diyos. Siyempre, hindi mo puwedeng tanggihan.
"Alam niyo naman, ang ating mga anak, yan ay precious gift from the Lord, so ano ang gagawin mo roon sa mahiwagang blessing na galing sa Kanya? Siyempre, dapat aalagaan."
Natatawang hirit naman ni Sharon: "Kung ayaw na, mag-aampon pa kami."
Read: Recent adoptive parents Sharon Cuneta and Kiko Pangilinan plan to have more kids