Nakalabas na sa intensive care unit (ICU) sa isang ospital si Lakam Chiu, ang panganay na kapatid ng TV host-actress na si Kim Chiu.
Sa kanyang Instagram Story kagabi, April 23, 2023, nagbahagi si Kim ng mensahe sa lahat ng nagdasal para sa nakatatandang kapatid.
Ayon kay Kim, hinihintay na lamang nilang muling magkamalay ang kapatid mula nang ito ay ma-confine sa hindi pa rin niya sinasabing sakit o kadahilanan.
Aniya, “Thank you for your prayers for my ate Lakam. Sorry I was not able to reply to each one of you. She is out of ICU last night.
“She is transferred to a normal room. We are waiting for her consciousness to regain.
“Maraming salamat po for praying. Tuloy lang po sana tayo sa pagdadasal. [praying hands emoji]
“Thank you po sa inyong lahat. [heart emoji]”
Noong April 19, sa mismong araw ng kanyang ika-33 kaarawan, ipinaalam ni Kim sa kanyang mga kaibigan at tagahanga na malungkot ang kanyang pagdiriwang dahil sa nangyari sa kanyang ate.
Isinugod kasi sa ospital si Lakam, na itinuturing din niyang sandigan sa kanyang buhay at karera.
Dahil dito, humingi ng paumanhin si Kim sa lahat ng mga bumabati sa kanya kung hindi niya ito nasasagot lahat.
Mensahe ng It's Showtime co-host sa kanyang post sa Instagram: “Today is different. I wish it were different. [broken heart emoji]
“Before today ends, I want to say Thank You for all your greetings and well wishes.
“Thank you for the flowers, cakes, and meaningful birthday messages you sent here online and personally.
“I’m sorry I couldn't answer all your messages. I appreciate you all so much. [heart emoji] Salamat po.
“Kung may hihingin man akong regalo sa inyo ngayon yun ay prayers para sa ate Lakam ko. [praying hands emoji]
“Everything happened in a snap of a finger. She is my strength, and now the word strength becomes blurry. Please pray for her recovery. [praying hands emoji]”
Read: Kim Chiu appeals for prayers for sister Lakam’s recovery