Judy Ann Santos, remembers rivalry with Claudine Barretto

Si Judy Ann Santos ang unang artistang sumalang sa PEP Iconic series ng PEP.ph (Philippine Entertainment Portal) noong 2019.

Sa isang bahagi ng interview na ito, binalikan ni Judy Ann ang pinagmulan ng rivalry nila ng noo'y kapwa Kapamilya star na si Claudine Barretto.

HOW IT BEGAN

Kasagsagan noon ng popularidad ng teleserye ni Juday na Esperanza, habang ini-enjoy rin ng programa ni Claudine na Mula Sa Puso ang kaparehong kasikatan.

Pero ani Juday, ito ang panahon noon na kailangan niyang may mapatunayan.

Mula sa tagumpay ng Mara Clara, binigyan si Judy Ann ng proyektong siya ang nasa title role mismo. Susubukan din ang hatak niya at ng kanyang kauna-unahang ka-love team na si Wowie de Guzman.

"Siyempre nandun yung takot, nandun yung kaba, but at the same time, in-enjoy ko yung proseso. In-enjoy ko yung nakikita ko, in-enjoy ko yung experience ko," kuwento ni Juday.

"In-enjoy ko siya para lang hindi ko maisip na napakalaking burden nito. Napakalaking test nito para sa akin kung saka-sakali. Kasi hindi siya biro, e.

"Ito yung time na kailangan mong patunayan yung sarili mo."

Nung panahon ding iyon umusbong ang rivalry o paligsahan ng shows nila ni Claudine.

Pagbabalik-tanaw ni Judy Ann, "It was a healthy competition."

Pero ang hindi lang daw niya maintindihan noon ay kung bakit kapwa niya Kapamilya ang katunggali niya sa ratings imbes na ang katapat niyang programa sa kabilang istasyon.

Nung panahong iyon, ang katapat ng Esperanza ng ABS-CBN ay ang GoBingo ng GMA-7 na pinangungunahan ni Arnell Ignacio bilang host, habang ang Mula Sa Puso ay katapat naman sa timeslot ang Ikaw Na Sana nina Angelu de Leon at Bobby Andrews.

"Hindi ko 'to naiintindihan. Hindi ba dapat yung ratings na iniisip ko lang, yung katapat ko?" tanong daw ni Judy Ann sa sarili noon. Pero ang nangyari, ang Esperanza at Mula Sa Puso--na parehong Kapamilya shows, pero magkaiba ang timeslot--ang pinagtapat.

"Healthy relationship" naman daw ang nangyari sa pagitan ng dalawang shows, pero aminado ang aktres na "May personalang nangyari."

Panoorin ang paglalahad ni Juday sa video na ito.

HOT STORIES

#judyannsantos #esperanza #mulasapuso #peprewind #pepiconic

Shoot Producers: James Patrick Anarcon & Rommel Llanes
Creative Director: Jeremiah Idanan
Video Editor: Michelle Anne Marquez
Special Thanks: Rommel Gonzales and Jane Buencamino
Music: "Free Space" by Camrin Brown, Kevin Ronnie McPherson
Re-edit: Kim Benedict Manalo

Subscribe to our YouTube channel! https://www.youtube.com/PEPMediabox

Know the latest in showbiz at http://www.pep.ph

Follow us!
Instagram: https://www.instagram.com/pepalerts/
Facebook: https://www.facebook.com/PEPalerts
Twitter: https://twitter.com/pepalerts

Visit our DailyMotion channel! https://www.dailymotion.com/PEPalerts

Join us on Viber: https://bit.ly/PEPonViber

Watch us on Kumu: pep.ph