Proud si RK Bagatsing na bumida bilang legendary composer na si Rey Valera sa Kahit Maputi Na Ang Buhok Ko, na entry sa Summer Metro Manila Film Festival 2023.
Sa direksyon ni Joven Tan at iprinodyus ng Saranggola Media Productions, ang pelikula ay hango sa tunay na buhay at paggawa ng mga classic songs ni Rey.
Hindi na-meet ng personal ni RK si Rey habang ginagawa niya ang pelikula.
"Never, never kaming nag-meet. Ayoko rin kasi gusto ko pagkatapos na lang kasi baka maramdaman ko yung pressure, dun ako magkamali.
"Marami namang materials online, may YouTube, ang dami niyang concerts, ang dami niyang interviews.
"Sabi ko nga, nasa bawat kanta namang yung personalidad niya, makikinig ka lang, parang instantly yung musika i-play mo lang yan, nagsyi-shift na yung [mood], ganun din sa pag-arte."
Hindi raw siya nahirapang gawin ang pelikula at na-enjoy lang niya habang syinu-shoot nila ang Kahit Maputi Na Ang Buhok Ko.
"I'm trying to remember the hardest part, sabi ko nga kanina yung wig lang ang nahihirapan ako because over-all nag-enjoy ako.
"Para lang akong nagpunta sa set at nakikinig ako ng kanta. I enjoyed talaga.
"And if mayroon mang challenge, yun yung mga doubts ko kung, 'Tama ba itong mga ginagawa ko? Magugustuhan ba nila?' Yun lang.
"But over-all, ang light kasi namin sa set, nagbibiruan lang kami nila Direk Joven."
READ: Buhay at musika ni Rey Valera, maaaring gawing inspirasyon ng mga kabataan
ON MEETING REY VALERA FOR THE FIRST TIME
Nakahinga si RK nang maluwag nang maging positibo ang reaksyon ni Rey sa private screening ng pelikula kasama ang cast.
Iyon ang unang pagkakataong na-meet ni RK ang singer.
"Nung nag-private screening kami, kabadung-kabado kami kasi siyempre small group lang kami.
"Nandun siya kasi para sa kanya talaga yung private screening. Pero siyempre, dahil kailangan naming magkita na rin, coming in, di ko maitago yung kaba ko.
"Pag nag-uusap kami, sinabi ko sa kanya yun, di ko masabi nang diretso ang mga kailangan kong sabihin.
"Nai-intimidate ako kasi heto na yun, e. Heto na yung pino-portray ko, kaharap ko na kung kanino yung kuwento ng pelikula.
"May mga sinasabi siya sa akin pero di nagrerehistro."
Nagustuhan daw ni Rey ang pag-arte ni RK.
"Then eventually, nung natapos yung pelikula, nakita kong ngumiti siya. Actually, while watching, tumitingin siya sa amin, umookey siya.
"Unti-unti nawawala yung kaba namin pareho ni Direk Joven.
"Magkatabi kami, kaya nung pagkatapos nung pelikula ang una niyang sinabi sa akin, 'Alam mo okay ito kasi ang pinakamensahe nito is inspirasyon para sa mga nangangarap.'"
ON PORTRAYING THE LIFE OF REY VALERA
Malaking karangalan daw para kay RK ang gampanan ang buhay ni Rey.
Ilan sa mga kinompose na classic Filipino songs: "Maging Sino Ka Man," "Pangako Sa 'Yo," "Kung Kailangan Mo Ako," "Tayong Dalawa," "Kung Tayo'y Magkakalayo," at "Sorry Na, Puwede Ba."
Sabi ni RK ukol dito, "Siyempre napakasuwerte, di ko alam kung ano ang ginawa ko sa buhay ko para mapasama ako dito.
"Tingnan naman ninyo ang cast, sino ako diyan sa mga legend na katabi ko? So it's something na I'm very, very thankful, very grateful.
"Ngayon binibilang ko na lang talaga ang mga blessings ko."
Paano siya napasama sa pelikula?
Kuwento ni RK: "Well, ang una kong sinabi sa kanila, 'Kumakanta ako pero di ako ganun kagaling kumanta, so parang hindi po yata para sa akin yan.'
"Sabi nila, 'Hindi, kasi may na-record na kaming kanta. Gusto lang namin na maiarte lang talaga yung puso ng bawat kanta kaya ka namin kinukuha.'
"Ngayon, kasi, sa stage ng career ko, ayokong maging safe, e. Sabi ko, natatakot ako.
"Pero yung mga gusto kong project ngayon ay yung mga natatakot ako so nag-yes ako dun sa proyekto."
Pamilyar si RK kung paanong karamihan sa mga kanta ni Rey ay ginagamit na theme sa mga teelserye sa ABS-CBN.
"Mahilig kasi tayo sa mga teleserye, Pangako Sa Iyo... Growing up yung Kuya ko nag-aartista, yung Ate ko sa Star Circle," tukoy ni RK sa mga kapatid na sina Raymond at Monina Bagatsing.
Patuloy ni RK, "So sa ABS, naririnig ko ang soundtrack niya, e, ang daming teleserye, ang daming pelikula na ginagamit yung mga kanta niya.
"So talagang parte na siya ng buhay natin whether we like it or not."
ON BATANG QUIAPO
Bahagi din si RK ng Kamilya drama series na Batang Quiapo, at para kay RK ay isa itong blessing na sobrang pinagpapasalamat niya.
"Like I've said, binibilang ko ang mga blessings ko and natutuwa ako na binigyan ako ng pagkakataon ni Direk Coco na maging parte ng Batang Quiapo.
"Matagal na akong nanonood ng Probinsyano, ang daming characters na pumapasok, hindi ako maka-timing na pumasok.
"Ang trivia lang dapat nung last run nila, last week nila nung finale, dapat magkasama kami ni Kuya Raymond dun, last villain [dapat sana ako] na kalaban niya.
"Kaso yun yung time na lumipad kami ng Switzerland ni Jane to shoot yung pelikula namin so di ako nakasama.
""Ngayon sobrang tuwang-tuwa na I'm part of it kasi kita mo naman Christopher de Leon, Tommy Abuel, Tita Irma Adlawan—powerhouse cast, nandun ako sa gitna.
"Actually, pareho din nito, nandun ako sa gitna at nakakasama ko sila. Makasama ko lang sila, alam naman natin na legend na ang mga yan."
- Abby Viduya reveals Jomari Yllana was the reason she came back to the Philippines
- Paul Soriano irked by "sex questions" of Boy Abunda to Vanessa Hudgens?
- WHAT PEP KNOWS: Paul Soriano in the center of controversy at Vanessa Hudgens' presscon
- 11 Filipino celebrities who were born into wealthy families