Hindi nagdalawang-isip si Janno Gibbs na buweltahan ang isang dating katrabaho na tahasang pinansin ang kanyang timbang.
Sa Instagram post ni Janno nitong Martes, April 3, 2023, ibinahagi ng singer-comedian ang naging pag-uusap nila ng dating katrabaho.
Kalakip ang makahulugan niyang caption na "#clapback #carefulwhatyousay."
Lahad ni Janno, nang magkita sila ng hindi niya pinangalanang “showbiz colleague” ay nagkumustahan sila.
Komento raw sa kanya ng kausap: "Tumaba ka ha."
Mababasa sa post ni Janno (published as is): "Bumped into a showbiz colleague from before.
"Small talk. He then casually said, ‘Tumaba ka ha (gained weight). I let it pass.
"I asked, ‘What do [you] do now?’
"He said, ‘Oh, I’m retired already.’"
Sa puntong ito ay hindi raw inasahan ng dati niyang katrabaho ang sagot ni Janno.
"My reply: ‘Oh, that’s why. You look old,’ to which he got shocked and upset."
NETIZENS REACT
Sa comments section ng post ni Janno, marami sa kanyang fans, followers, at maging co-celebrities ang naka-relate.
Isa na rito si Martin Nievera na makailang beses na raw naka-encounter na pansinin at kuwestiyunin ng ibang tao ang kanyang katawan.
Aminado rin si Martin na nao-offend siya ngunit katagalan ay napagtanto niyang sa ibang tao ay may iba itong kahulugan.
Komento ng Concert King: "I hate that! I get that all the time and I always ask myself how some people can be so comfortable at being tactless and say such things, but I learned also that through the years and after many 'scratching my head' moments at such comments that believe it or not some mean it in a good way.
"Like, 'you look happy!' 'You look healthy!' 'You look successful' and not so much, 'oh my god you look like a walking talking condominium!' Tactless? Or being too comfortable?? What ever it is it hurts yes? Ayyyy."
Reply naman sa kanya ni Janno: "This one wasnt a compliment basing on his facial gesture."
Komento ng aktres na si Yayo Aguila: "Nice one @jannolategibbs APIR![clap emojis]."
Sabi pa ng isang netizen, "That 'tumaba ka' it has always been a Pinoy malpractice. They're used to saying that phrase without being sensitive towards the person they are pertaining to because they think it's normal.. We gotta get rid of that malpractice. So kababayans.. let do how Mr.Janno did it!"
Ayon pa sa isa: "Hahahahahaha! Sila walang preno pero when you give them a dose of their own medicine ma-ooffend? Ano kaya yon?"
Read: Janno Gibbs, sikreto pa ang mga detalye ng directorial debut
May ilan ding netizens ang hindi nagustuhan ang umano'y pagganti ni Janno.
Anila, minasama raw ng singer-actor ang sinabi sa kanya kung kaya't binawian din niya ito ng pangungutya.
Suhestiyon sa kanya ng isang netizen: "Pwede din po responding with act of kindness."
Reply ni Janno: "Masama ba sinabi ko?"
Sabi pa ng isa: "I think wala naman masama doon sa word na 'tumaba ka' kesa sabihin na pumayat ka (bcos baka nagkakasakit kana! 'tumaba' dahil 'sign of progress' kesa yung word na OLD na siya. mas insulto po yun!"
Hindi na ito sinagot ni Janno.