Nakatakdang magbalik sa big screen si Donny Pangilinan para sa isang pelikula kasama ang kanyang ina na si Marixel Laxa, si Baron Geisler, at mga beteranong aktor na sina Ronaldo Valdez at Boots Anson Roa Rodrigo.
Ito ang inanunsiyo ng mismong ama ni Donny na si Anthony Pangilinan sa kanyang Instagram account nitong Martes, March 28, 2023.
Dito, ibinahagi ni Anthony ang ilang kuha nilang litrato habang isinasagawa ang contract signing ng kanyang kumpanya na MediaWorks Inc. sa cable channel na Cignal.
Ayon sa post ni Anthony, ang upcoming project nina Donny ay may titulong GG [Good Game].
Iikot ang istorya ng pelikula, na ididirek ni Prime Cruz, tungkol sa esports o electronic sports.
Ang esports ay isang uri ng kumpetisyon, na nilalahukan ng indibidwal o koponan, gamit ang video games.
Mababasa sa caption ng post ni Anthony (published as is): "A new day is dawning.
"Official contract signing between MediaWorks and Cignal for “GG (Good Game),” the first full length esports film in the Philippines.
"May it add value to our country’s entertainment industry, in both end and process, the final product and means taken to get it done.
"By God’s grace and for His Glory [pray sign emoji]."
Ipinost din nina Baron at Ronaldo sa kanilang personal Instagram accounts ang mga litrato nilang kuha sa naganap na contract signing.
"#GG coming soon #esports #movie," caption ni Baron sa kanyang post.
Saad naman ni Ronaldo, "Contract signing with no less than the big boss Mr. Manny Pangilinan. #GG #Esport #upcomingmovie."
Sa hiwalay na post ng MediaWorks Inc, ibinahagi nila na ang kapatid ni Donny na si Hannah Pangilinan ang magiging creative producer ng upcoming film na GG.
"Get ready to experience the thrill of competitive barkada gaming like never before amidst a challenging family environment.
"Starring Maricel Laxa and Donny Pangilinan, alongside Baron Gielser, Boots Anson-Roa & Ronaldo Valdez.
"Written and directed by Prime Cruz with Hannah Pangilinan as Creative Producer, Elaine Lozano as line Producer and Create Cinema as Consulting Producers, Story Concept by Zach Aquino."
Bukod sa GG, nakatakda ring magbida si Donny sa upcoming ABS-CBN series na Can't Buy Me Love kasama ang kanyang on-creen partner na si Belle Mariano.
Read: Coco Martin's Batang Quiapo, DonBelle series Can't Buy Me Love lead ABS-CBN 2023 offerings