Nagdadalamhati ang seasoned singer na si Marco Sison sa pagpanaw ng kanyang apo, ang Sparkle artist na si Andrei Sison.
Binawian ng buhay si Andrei dahil sa vehicular accident na nangyari sa Commonwealth Avenue, Quezon City, nitong Biyernes ng madaling-araw, March 24, 2023.
Siya ay 17.
Read: Sparkle artist Andrei Sison, 17, dies in car accident
Ang ama ni Andrei na si Alain Marco Salvador, aktor at dating miyembro ng That’s Entertainment, ay anak ni Marco kay Tess Salvador ng famous Salvador clan.
Read: The showbiz connection of late Sparkle artist Andrei Sison
Sa pamamagitan ng mensaheng ipinadala niya sa Philippine Entertainment Portal (PEP.ph) ngayong hapon, ipinaabot ni Marco ang pasasalamat sa lahat ng mga nakikiramay sa kanilang pamilya.
“Our family is saddened by the sudden tragic demise of Andrei. He’s only 17 years old…
“I, along with his father Alain (aka Marco Salvador), saw some promise of him entering the showbiz industry.
“He sings really well and his father sends me his voice recording from time to time.
“Medyo mahiyain siya but there’s potential and my advise to him was practice more.
"We appreciate all your message of condolences, these will help us through our grieving process knowing that Andrei is loved and remembered by his friends.
“Maraming salamat po sa inyong lahat,” pasasalamat ni Marco.
Ibuburol ang mga labi ni Andrei sa Loyola Memorial Chapels and Crematorium sa Commonwealth Avenue, Quezon City.
Ikinalungkot at ikinabigla ng mga nagmamahal kay Andrei ang maagang pagpanaw nito sa edad na 17.
Nakadagdag sa kanilang pagdadalamhati ang masakit na katotohanan na kung kailan siya binawian ng buhay, saka niya napukaw at nakuha ang atensiyon ng publiko.