Nasangkot sa isang vehicular accident ang StarStruck 4 alumnus na si Jan Manual kasama ang asawa nitong si Jamey Santiago.
Kaunting galos lamang ang natamo ni Jamey, samantalang si Jan ay nagkaroon ng brain fracture.
Ito ang ipinaalam ng kapatid ni Jamey na si Faythe Santiago-Mendoza sa pamamagitan ng Facebook kahapon, February 15, 2023.
Humingi rin siya ng dasal at pinansiyal na tulong para sa pagpapaopera sa kapatid.
Mensahe ni Faythe, “Pls pray for Coach Jan! They had an accident. He needs to undergo surgery due to brain fracture, trauma and bleeding.
“We need prayers and if you want to send financial help, please send here: 09176908407 Lovely Santiago Go.
“BDO---Jamey Keeneth S. Manual 008050091525
“Salamat po!!!”
Makalipas ang ilang oras, may update muli si Faythe sa kanyang Facebook.
Ayon sa kanya, katatapos lamang sumailalim ni Jan sa isang minor surgery sa Asian Hospital and Medical Center. Stable na raw ang kundisyon nito.
Post niya (published as is), “UPDATE: Jan is already stable and done with minor surgery. Cleared na siya sa Neuro so no need to undergo major surgery.
“First few hours namin, he needs to be transferred to ICU but because of your prayers, nag miracle!!! No need to transfer. Grabe si Lord. He is a miracle working God! Grabe prayer ng Body of Christ!!!
“Prayer points as of now: For 2-3 days under observation pa din siya. Kailangan continuous na makausap siya at wag mag hallucinate to check that his brain is okay.
“Pray din na hindi na lumaki yung blood clot niya.
“His fracture sa eyes and left side ng face will eventually self heal and no need for another surgery.
“Then positive result from his ENT doctor because his left eye and right ear namamaga pa din.
“Please help us pray for our brother!
“As per Pas Jamey, strength kasi di nya puede iwan si Hezekiah since breastfeed and now nararamdaman na nya yung body pains sa pag kakadapa nya from the jump she did from the car.
“Quick recovery ng mga sugat!
“Thank you grabe panalangin at seed ng Body for his hospitalization! Salamat po
“We are proud to be part of the Body of Christ!”
Nagpasalamat naman si Jamey sa Diyos dahil sa pagliligtas Nito sa asawa sa kapahamakan.
Parehong pastor sina Jan at Jamey sa Victory Christian Fellowship.
Saad niya sa kanyang post, “DEATH IS NOT WELCOME IN MY FAMILY!!!!!! MY GOD IS GREATER, BIGGER AND STRONGER! WE WILL SERVE GOD LONG AND OLD!!!!!! NOT TODAY SATAN!!!! NOT TODAY!!!!!”
Ibinahagi rin ni Jamey ang ilang magandang balita tungkol sa asawa ngayong araw, February 16.
Nasa normal room na daw si Jan at nakakausap na niya ito. Pero hiling pa rin nila ang kaunting financial assistance.
Sa pinakahuling post ni Jamey, sinabi niyang isang malaking milagro ang nangyari sa asawa. Pangako pa nilang magsisilbi sa Diyos hanggang sa dulo.
Aniya, “You are my greatest miracle Janhilly Manual. From meeting you since day 1 and even up to these challenging days seeing you fighting on that hospital bed.
“You are my miracle! I love you Mahal ko! Thank you for fighting for me and now for our family.
“WE WILL SERVE GOD LONG AND OLD! #healingforJanManual”
Si Jan ay regular na napapanood noon sa gag show ng GMA-7 na Bubble Gang at kilala sa kanyang impersonation kay Manny Pacquiao bilang Pacboy.