Si Rhian Ramos ba ay malayang magmahal ngayon?
Ang natatawnag sagot ng dalaga sa deretsahang tanong ng PEP.ph (Philippine Entertainment Portal), “I would say no, pero more of I’m putting it on myself na. I just don’t feel like it."
Kailan lamang ay napagkikita sa social media si Rhian na masaya sa piling ni Sam Verzosa.
Pero bago nagtapos ang Disyembre, napabalitang nag-unfollow sila sa isa't isa sa Instagram 'tapos kinabukasan ay nag-follow ulit sila.
Magkaibigan pa rin ba sila?
“Oo naman! Yes of course.”
DID RHIAN HAVE AN LQ WITH SAM?
So friends na lang sila ngayon?
Tumawa muna si Rhian bago sumagot ng, "I don’t wanna…I can’t define.”
Pero sa sumunod na paliwanag niya, tila nagkaroon lamang sila ng LQ o Lovers' Quarrel.
Ang mas seryoso niyang pahayag, “Well, I can just say na ayun talaga, I think it’s normal to have problems here and there, I mean, nabasa ko din naman yung mga nasulat na, so I know naman din kung ano yung alam ninyo, parang ganun.
“And siyempre it’s normal to have problems, disagreements with anyone, kahit friend mo, kahit family mo pa iyan, di ba, nangyayari din iyan.
“But we’re okay, in the sense na hindi kami magkaaway, and I will always want what’s best or what brings him joy, and I believe that he wants that for me, too.”
HAS SHE AND SAM BROKEN UP?
Paano ba hinaharap ni Rhian ang isang natapos na relasyon?
“I accept chosen movies,” at tumawa ang mestiza actress saka niya idinugtong, "It’s a very good way to ano.”
On a scale of 1 to 100, gaano siya kasaya ngayon?
“In fairness, very high, in the 90s, because this is something naman that I’ve known for a long time, but it’s just every so often nare-remind lang ako.”
Alin?
Tila may pakahulugan ulit ang mahabang sagot ulit ni Rhian, at may hawig pa sa sikat na kanta ni Miley Cyrus ngayon na "Flowers."
Aniya, “That no one can love me better than I can, and I’m very good at it. Like, I’m good at making myself happy, I’m good at giving myself the things that I want, even the experiences that I want.
"Like ayun, parang if there’s anyone talaga that I can depend on, it’s always gonna be me, so it’s a good reminder.
"Although I do have naman people around me that I do depend on, and I live with some of them, so I have a good support system, community.
"We’re very happy together, we like the same things, pare-parehas kami ng lifestyle, parehas kami ng oras ng gising at tulog at mga interests namin, and, ayun, parang we work out, take care of each other, we cook for each other, parang in a sense, I have already na din naman anything that anyone...a partner could provide for me.
“I have naman all those things, it’s just an option where I’m gonna get it from, parang ganun.”
Malamang, kasama sa support system ni Rhian ang ousemate na si Michelle Dee.
WHAT MAKES HER LEAVE A RELATIONSHIP
Siya ba lagi ang nagsasabing ayaw na niyang ituloy ang mga bagay-bagay?
“Ummmmm… yeah,” ang tumatawa pa ring pakli ni Rhian. “Most of the time. Hindi naman lagi, but always, ganun.”
Siya ba yung would come to her senses agad?
“I would say, kasi parang I feel like at the end the day, parang life isn’t as short as people say, marami pang puwedeng mangyari. So if you know it’s not right, if you know na this person is not the one for me, parang I don’t wanna waste both my time and also theirs, kasi I’m sure they want a future, they have dreams, iyon.”
Ano ang nagti-trigger sa kanya para sabihin niyang “Enough is enough!” na talaga?
“What ba? Parang I think pag na-communicate ko na kung ano yung problem or kung ano yung hinahanap ko na wala dun, or something, and if you give it time tapos parang consistent pa din na wala, parang I think yun, parang pag medyo repeat offense, parang ganun.”
UPCOMING MOVIE IKAW AT AKO
Nakausap ng PEP.ph si Rhian sa shooting ng pelikulang Ikaw At Ako nitong Lunes, January 23, 2023 sa Quezon City.
Kapareha niya rito si Paolo Contis, at co-stars nila sina Boots Anson-Roa at Ronaldo Valdez, pati na rin sina Andrew Gan at Phoebe Walker.
Sa direksiyon ni Rechie del Carmen, ang Ikaw At Ako ay initial movie venture ng Gutierez Celebrities and Media Production with executive producers MJ Gutierez and Lexie Salmasan.
Gumaganap dito si Rhian bilang si Marga.
Gaano kalapit ang pagkatao ni Rhian kay Marga lalo na pagdating sa mga pinagdaanan niya sa pag-ibig?
“Dun sa pinagdaanan, I would say close, kasi parang nakarami na ako, e,” ang tumatawang reaksyon ni Rhian.
“So parang marami na rin akong mga experiences, puwede ko siyang i-liken dun sa iba, I mean ayokong magbanggit, but, you know, puwede kong i-liken dun sa isa sa mga naging experiences ko in life.”
Pareho sila ni Marga na lumalaban pagdating sa pag-ibig?
“I think bilang babae, parang we have a lot of things in common, parang I’m the type na I’ll give it talaga everything I have and then kung feeling ko hindi talaga, pipiliin ko na yung sarili ko, parang rather than to be broken-hearted forever.
“Yung character ko kasi is more of the one na nagsasabing ayaw na niyang ituloy, parang ganun, and siyempre I’ve been there, I’ve been there seven times… joke! Hahaha!”
Ang ilan sa mga publicized relationships ni Rhian ay sina JC De Vera, Mo Twister, KC Montero, Jason Choachuy, Amit Borsok, at si Sam.