“She’s back to redeem herself.”
Isa lang ito sa mga komento ng netizens na natuwa sa muling pagsabak ni Janina San Miguel sa pageantry.
Nagparamdam muli ang former titleholder nang sumipot siya sa screening ng Mrs. Face of Tourism 2023, isang local pageant for moms and married women.
Ginanap ang screening sa Robinsons Sta. Rosa, Laguna nitong January 21, 2023.
Si Janina ang itinanghal na Bb. Pilipinas-World 2008, subalit nagbitiw siya tatlong buwan bago sumabak sa Miss World 2008 pageant.
Naging kontrobersiyal noon si Janina dahil sa kanyang di malilimutang sagot at pahayag sa question-and-answer (Q&A) segment ng Binibining Pilipinas 2008.
Ginawang nakatatawang memes ang mga sagot ni Janina pagdating sa usaping Q&A.
Pero malayo na sa dating Janina ang nasaksihan sa Q&A segment ng Mrs. Face of Tourism screening nitong weekend.
Napabilib ang screening committee at netizens na ipinamalas ni Janina.
Sabi ng marami, malaki ang in-improve ng kanyang communication skills.
Sa video clip ng pageant vlog na kuha sa screening, tinanong si Janina ng judge sa screening ukol sa isyung puwede nang sumali sa prestigious pageants hindi lang mga single women kundi pati mga may anak at may asawa.
Sagot ni Janina: “Just like what Miss Universe [R’Bonney Gabriel] said, it’s not about the age, it’s not about the status. We have to treat each other, uhhhm, equal…
“And if not now, then when? It’s a powerful statement of our new Miss Universe, so I want to join now and have an impact to our country. Thank you.”
Sundot na tanong: “What is the one thing that best describes you as a candidate, as a future candidate of Mrs. Face of Tourism?”
Ani Janina: “Of course, I have my courage, perseverance, and patience, and I think those will take me far.”
“Wow, very well said,” sabi ng hurado na nagtanong.
NETIZENS PRAISE JANINA
Marami sa comments ng netizens ay pumapabor kay Janina.
Hinangaan ang pagrampa at pagsagot ni Janina sa screening.
Napansin ng karamihan ang kumpiyansa ni Janina sa entablado.
Ang ilan, na-impress sa mas mahusay na pagsagot ni Janina sa Q&A.
May nagsabing hindi pa rin perpekto ang English ni Janina pero may sense nang sumagot.
Komento ng netizen: "May grammar lapses pa rin. But this time, may substance na yung sagot nya. Well done."
Katuwiran ng isa, labimpitong (17) taon lamang noon si Janina nang sumali sa Binibining Pilipinas kaya’t mas nae-express na niya ang sarili ngayong 32 na siya.
May mga komento ring binalikan ang nagmarkang sagot ni Janina noong 2008, tulad ng “pressure” at “family.”
JANINA’S UNFORGETTABLE ANSWER
Noong Binibining Pilipinas 2008 grand coronation night, lumikha ng marka si Janina.
Nang sumalang siya sa Q&A, tinanong ng host na si Paolo Bediones si Janina: "So you won two of the major special awards… do you feel any pressure right now?"
Sagot ni Janina: "No, I don’t feel any pressure right now!"
Ang tanong ng judge na si Vivienne Tan kay Janina: "What role did your family play for you as candidate [of] Binibining Pilipinas?"
Sagot ni Janina, "Well, my family’s role for me is so important because there was the wa... they’re, they was the one who’s very [laughs].
"Oh I’m so sorry. Um, my family, my family. Oh my god. I’m…
"Ok, I’m so sorry. I, I told you that I’m so confident… Eto, um, wait… [laughs]."
Ganito ang panghuling sagot ni Janina: "Um, sorry guys because this was really my first pageant ever because I’m only 17 years old and [laughs]...
"I, I did not expect that I came from, I came from one of the Top 10.
"Hmmm, so… but I said that my family is the most important persons in my life. Thank you."
Samantala, ang mananalo sa Mrs. Face of Tourism 2023 ay magiging ambassador para i-promote ang turismo sa Pilipinas at may pagkakataong sumali sa international pageant.