Hindi pinagsisisihan ni Kris Lawrence ang kanyang pagtatanggol kay Alex Gonzaga at ang pagbibigay niya ng opinyon sa kontrobersiyang kinasangkutan ng TV host-actress, na tumanggap ng mga batikos at paninira dahil sa pagpapahid ng icing sa mukha ng waiter na si Allan Crisostomo.
Read: Ika-35 kaarawan ni Alex Gonzaga, nabahiran ng isyu dahil sa pagpahid niya ng cake sa noo ng waiter
Dahil sa kanyang pagbibigay ng opinyon at pagtatanggol kay Alex, binuweltahan si Kris ng netizens at kung anu-anong masasakit na salita ang ibinato sa kanya.
Matatandaang sa kasagsagan ng isyu ni Alex ay naghayag ng kanyang opinyon si Kris, na taliwas sa opinyon at paniniwala ng nakararami.
Pahayag ni Kris sa Instagram tungkol sa isyu: “People always have something negative to say. Let’s fast forward and after this event that waiter just went viral, will probably get ‘something’ after, and a LOT of sympathy.
“Most recognition he ever got as a waiter. So after all the noise…I’m sure he will be grateful that this happened. Looks like people just like to extract the negative out of things instead of positive.”
Pero hindi inaasahan ng singer na siya ang bubuweltahan ng netizens.
Nakaapekto raw sa mental health ni Kris ang mga panglalait na nagsimula nang ipagtanggol niya si Alex.
“Medyo nag-suffer na ang mental health ko,” pahayag ng R&B Prince nang makausap siya ng Philippine Entertainment Portal (PEP.ph), via messaging, ngayong Biyernes ng hapon, January 20, 2023.
Nakadagdag sa lungkot na nararamdaman ni Kris ang masakit na katotohanang ilang miyembro ng media na itinuring niyang kaibigan at sinuportahan ang mga proyekto ang nanguna umano sa panggagatong sa publiko kaya lalong tumitindi ang mga batikos sa kanya sa social media.
“People who I thought were friends from the media are actually feeding off of it,” nagtatampong sabi ni Kris.
“It’s hard kasi I know myself and I never intended harm on anyone, and why are people deciding on what my character is?
“I have no regrets naman. Everything I said is true. I still stand by what I said.
"But my intention by commenting was to diffuse the bashing I saw on the post, kasi I’ve been bashed before and I know what it can do to mental health.
“I wanted people to think from different perspectives also not just merely what they saw on the video."
Paliwanag pa niya, “Since I grew up, 'caking' was a normal thing talaga at birthdays. So, for me and a lot of people who grew up in the States, it really is normal.
"If you want to look for a negative point and perspective in it, you will find it.”
HATE COMMENTS
Dahil sa pagtatanggol na ginawa niya kay Alex, naging mitsa ito ng mga paratang na nakikisawsaw siya sa isyu para mapag-usapan, tinawag na "has-been" at sari-saring masasakit na salita.
Dahil sa naging aksyon niya, naranasan ni Kris makatanggap ng hate comments na umabot na umano sa limang libo.
Lubha raw itong nakaapekto sa kanyang mental health dahil kinukuwestiyon na rin ni Kris ang sarili.
Pahayag niya, “It makes me question myself and my achievements in my life.
“I can see why a weak-minded person would be depressed or commit suicide after bashing.
"I never thought of it naman, but I think people should know that bashing and bullying is a serious thing and people can easily do it in a flash without thinking.
“People have different perspectives. The intention is the important thing."
Dagdag pa ni Kris: “Now, I'm getting so much negative intention thrown at me, people go to the ends of the earth just to hurt my feelings.
“I just feel it was blown WAAAAY out of proportion. It’s just funny how people have so much time to spend on this situation and go out of their way to bash me and say THE MOST hurtful things I’ve ever heard in my life and there are so many other bigger problems in the world.
“The things they say to me don’t have anything to do with the issue but they’ll say it to hurt me. They’re totally contradicting themselves.
“I’ve learned that bashers will just bash, and you can’t please everyone. It just sucks that these people are trying to dictate my character.
“They say they want an apology from me but I didn’t even do anything, di naman ako ang nagpahid ng cake — and my intention was to diffuse the bashing.
“I hope people will open their hearts and minds more and see the intention instead of context. No one is perfect.
“It feels like lahat nang ginawa mong maganda sa buhay, lahat ng tao na pinasaya mo, nabura dahil na-misinterpret at na-misunderstand ka ng mga tao,” litanya ni Kris.
Makikipagkita si Kris sa susunod na linggo sa dating aktres na si Nancy Castiglione para sa kanyang hypnotherapy session.
Isa nang licensed hypnotherapist si Nancy, at siya ang naisip ni Kris na lapitan at hingan ng tulong.
Naniniwala ang singer na malulutas ng hypnotherapy ang mental distress na pinagdaraanan niya na epekto ng kanyang opinyon tungkol sa Alex Gonzaga-Allan Crisostomo birthday cake-smearing incident.
Related Stories:
- Mo Twister lambasts former Juicy! co-host Alex Gonzaga over her viral video; Mikee Morada posts message of support for Alex
- Alex Gonzaga camp breaks silence on viral video; says waiter is close to Gonzaga family
- Alex Gonzaga, humingi na umano ng paumanhin sa "biniro" niyang waiter
- Arnold Clavio, nasaktan sa ginawa ni Alex Gonzaga sa waiter; Rhap Salazar, tinawag na "bastos" si Alex
- Alex Gonzaga apologizes to waiter after severe bashing online
- Handwritten letter ng waiter na pinahiran ni Alex Gonzaga, ipinagtaka ng netizens
- Toni Fowler hurt that no vloggers came to Alex Gonzaga's defense
- Alex Gonzaga finally issues public apology: "I will rise from this a wiser and better person."
- Mikee Morada speaks up as wife Alex Gonzaga continues to receive backlash
- Ano ang istorya sa likod ng handwritten letter ng waiter at pag-a-apologize ni Alex Gonzaga?