Nagpahayag ng suporta ang produksiyon ng Mars Ravelo's Darna sa pambato ng Pilipinas sa Miss Universe 2022 na si Celeste Cortesi.
Ito'y matapos gulatin ni Celeste ang maraming Pinoy pageant fans nang irampa niya sa national costume segment ang iconic costume ng Pinay superhero na si Darna sa ginanap na preliminary competition ng Miss Universe 2022, ngayong Huwebes, January 12, 2023.
Read: Celebrities, netizens react to Celeste Cortesi's Darna costume at Miss Universe 2022
Dahil dito, naglabas ng pahayag ang JRB Creative Production, na pinamumunuan ng business unit head na si Julie Anne Benitez, ang drama unit na humahawak sa ABS-CBN Darna: The TV Series.
Ayon sa kanila, approved, proud, at suportado nila si Celeste sa laban nitong masungkit para sa Pilipinas ang ikalimang titulo at korona sa Miss Universe 2022.
Mababasa sa kanilang caption (published as is), "Ipakita ang nagliliyab na lakas, galing, at ganda ng Pinay! Fly High Celeste! Bring Home the Crown."
Bukod dito, nagpapasalamat din sila sa Filipino-Italian beauty queen na ipinakita at ipinakilala nito sa global audience ang Pinay superheroine.
Saad nila sa kanilang official program statement (published as is), "We are proud of Miss Universe Philippines 2022 Celeste Cortesi for championing Darna on the world stage through the 71st Miss Universe national costume competition.
"The Ravelo family extends their full support, gratitude, and excitement for the opportunity to show Darna to a global audience through the country's official Miss Universe representative.
"We hope that, like our beloved Filipino superheroine, Celeste will continue to serve as a source of inspiration and empowerment for women all around the world."
Kasalukuyan ngayong umeere sa ABS-CBN ang Darna.
Si Jane de Leon ang gumaganap na Darna, habang si Janella Salvador naman ang kaaway niyang si Valentina.
Kasama rin sa cast si Joshua Garcia bilang Brian Robles at Zaijian Jaranilla bilang Ding.
Sina Chito Roño at Avel Sunpongco ang mga direktor ng Darna: The TV Series.
READ MORE:
- Celeste Cortesi on her Miss Universe ticket: "I hope that people would look at my transformation and be inspired."
- Did you know: Celeste Cortesi's cape was made with handprints of children from Marawi?
- Miss Universe Philippines 2022 Celeste Cortesi names Pia Wurtzbach as her "ultimate favorite" beauty queen
- Celeste Cortesi, may sagot na sa tanong kung bakit siya ang dapat maging next Miss Universe
- FIRST LOOK: Celeste Cortesi stunning in sky-blue gown at Miss Universe 2022 preliminaries
- Miss Universe 2020 Andrea Meza includes Celeste Cortesi in her Top 10: “She fascinates me.”