Viral ngayon sa social media ang video ng aktor na si Marco Alcaraz na kuha sa isang local beauty pageant.
Ito ay dahil sa sobrang off-key umano nitong pagkanta ng “Ngiti,” na orihinal na kanta ni Ronnie Liang.
Nangyari ang live performance ni Marco sa Bb. Urdaneta City 2022 sa Urdaneta, Pangasinan, noong nakaraang lingo.
Ayon sa netizens, mula simula hanggang sa dulo ng kanta ay walang tinamaang tono si Marco habang hinaharana ang pageant contestants.
May nagkomento pang "lasing" umano si Marco. Pero kung oobserbahang mabuti ang kilos ng aktor, mukha hindi naman nakainom ang aktor.
Paglalarawan ng uploader ng video sa Facebook noong December 3: “MARCO ALCARAZ MUKHANG LASING SA BB URDANETA CITY 2022.”
Meron na itong 1.2 million views; 23,000 laughing reactions; at lagpas sa 2,000 comments.
Biro pa ng isang netizen, “Eto gusto ko makalaban sa singing contest iyak sakin to ng walang sound.”
Saad ng isa pa, “Pag ganto mga makakalaban ko. Lalakas loob ko sumali ng singing con. [laughing emoji]”
Ayon sa isa pa, “Invite nyo na po ako, ganito po ang singing style ko.
"Magchat lang po kayo para macheck ko sa schedule ko.”
Wala pang reaksiyon si Marco ukol sa viral video niya.