Iniaalay ni Dolly de Leon sa lahat ng mga Pilipino ang best performer award na ipinagkaloob sa kanya ng Los Angeles Film Critics Association (LAFCA).
Read: Dolly de Leon, napiling best supporting performer ng Los Angeles film critics
Nagwagi si Dolly para sa mahusay na pagganap niya sa Triangle of Sadness, ang pelikula ng direktor na si Ruben Ostlund na nagwagi ng Palme d’Or, ang highest prize sa sa 75th Cannes Film Festival noong May 28, 2022.
“It’s an honor and a privilege to be recognized by critics who recognize the artistry of filmmaking.
“It’s an honor and a privilege to be recognized by critics who appreciate the artistry of filmmaking.
“Nakaka-proud that my work is acknowledged by a prestigious group like the LAFCA.
"This is for every individual who is struggling in their chosen industry. PARA SA ATIN ‘TO,” mensahe ng pasasalamat ni Dolly tungkol sa karangalang natanggap mula sa LAFCA.
Tiniyak ni Dolly na dadalo siya sa annual banquet ng LAFCA na magaganap sa January 14, 2023 para personal na tanggapin ang parangal sa kanya. Nakatakda siyang bumalik sa Amerika sa January 4, 2023.
Matagal namalagi si Dolly sa US dahil sa promo tour at sa kanyang kampanya para sa best supporting actress nomination niya sa 95th Oscar Awards.
Umuwi si Dolly sa Pilipinas noong nakaraang buwan para dumalo sa red-carpet premiere ng Triangle of Sadness at dahil matindi na rin ang pangungulila niya sa kanyang mga anak.
Habang naririto sa bansa, inumpisahan ni Dolly ang shooting niya para sa Philippine adaptation ng Keys to the Heart ng Reality MM Studios at Viva Films.
May pagkakataon pa ang mga Pilipinong mapanood ang high-calibre performance ni Dolly sa Triangle of Sadness.
Ayon kay Jerald Uy ng TBA Studios, palabas pa rin ang pelikula sa mga sinehan ng Ayala Malls the 30th, Ayala Vertis, Bonifacio High Street, Fisher Mall, Gateway Mall, Glorietta, Greenbelt, Trinoma, Powerplant, Greenhills, at Cinema ’76.
Ang TBA Studios ang exclusive distributor sa Pilipinas ng Triangle of Sadness.