Naglabas ng opisyal na pahayag ang management ng volleyball team na Choco Mucho Flying Titans hinggil sa isyung pang-iisnab umano ng mga manlalaro nila sa ilang fans.
Noong December 1, 2022, nagsimulang pag-usapan at mag-trending sa TikTok ang video kung saan nakunan ang hindi pagpansin ng players ng Choco Mucho, sa pangunguna ni Deanna Wong, sa mga tagahanga na nag-abang sa kanila sa Boracay Island habang sila ay nasa bakasyon.
Makikita at maririnig sa video na isa-isang binati ng fans ang star players ng team, subalit karamihan sa kanila ay hindi man lang tumugon at namansin, maliban kay Bea de Leon na tumango.
Dahil dito, maraming netizens ang nadismaya sa inasal nila.
Kabilang sa mga nagbigay ng opinyon tungkol dito ay ang Kapuso TV host na si Kim Atienza at motivational speaker na si Rendon Labador.
Read: Kim Atienza reacts to Choco Mucho volleyball team fans snub
Nitong Lunes, December 5, 2022, naglabas ng pahayag ang management ng Choco Mucho sa kanilang Facebook page upang klaruhin ang insidente.
Ayon sa kanila, pinansin at nakipag-selfie naman daw ang players sa fans habang sila ay naka-break na hindi nakita sa video.
Saad nila, “The team was in Boracay recently for a short break after a busy year of heartbreaking finishes.
"A video clip from that trip went viral, with netizens portraying some of our players as snobs who lack good manners and right conduct.
“Unfortunately, what is not included in the viral clip are other videos online showing the players acknowledging and talking to fans, and accommodating selfies and videos with them while trying to have their break."
Ayon pa sa management, ang totoong fans ng team ang nakakaalam kung gaano ka-respectful, appreciative, at ka-accomodating ang players ng Choco Mucho.
Bagamat aminado ang pamunuan na may pagkukulang sila, kinokondena nila ang mga post na hindi katanggap-tanggap dahil pinallabas daw ng mga ito na masama ang kanilang mga manlalaro.
Anila, "While we acknowledge that our team could have handled that particular encounter in the video better, we denounce malicious posts that put our players, our team, and our company in a bad light.
"Posting these innuendoes only bring negativity to our volleyball community and put the wellbeing of our athletes at risk."
Sa huli ay nagpasalamat ang management sa patuloy na suporta ng fans.
"We thank our fans who are supportive of the team and respectful of the players.
"Together, let us grow the sport of volleyball with an atmosphere of respect for each other."
Ang Choco Mucho Flying Titans ay binubuo nina Deanna, Bea, Kat Tolentino, Maddie Madayag, Desiree Cheng, Dennise Lazaro, Isa Molde, Odina Aliyeva, Jem Ferrer, Maika Ortiz, Regine Arocha, Pauline Gaston, Cherry Rose Nunag, Aduke Ogunsanya, Shannen Palec, Toni Rose Ponce, at Caitlin Viray.