Hindi maitago ni Ruby Rodriguez kung gaano niya nami-miss ang mga dating kasamahan sa Eat Bulaga! na kilala sa tawag na EB Dabarkads.
Sa Instagram kahapon, November 30, 2022, nagbahagi ng throwback photo si Joey de Leon ng mga datihan at kasalukuyang co-hosts ng longest-running noontime show.
Makikita sa collage ng mga larawan sina Ruby, Janno Gibbs, Allan K, Anjo Yllana, Jimmy Santos, Leila Kuzma, Toni Rose Gaida, Toni Gonzaga, Jose Manalo, Gladys Guevarra, Paolo Ballesteros, Wally Bayola, at ang tatlong haligi ng show na sina Tito Sotto, Vic Sotto, at Joey de Leon.
Caption ni Joey: “You can close your eyes to reality but not to memories.”
View this post on Instagram
Komento ni Ruby sa post ni Joey: “Miss you all Mayor!!! [red hearts emojis]”
Ni-repost din ito ni Tito sa kanyang Instagram.
Saad ng dating Senate President Sotto: “Memories indeed [heart emoji]”
View this post on Instagram
“Miss you much,” sabi naman ni Ruby.
Ibinahagi rin ni Ruby sa kanyang Instagram account ang nasabing larawan.
Base sa kanyang caption, dama ang pangungulila ni Ruby sa dating kinabibilangang show.
Aniya, “Thank you @angpoetnyo @helenstito Memories indeed [hearts emojis] Missing all dabarkads [sad face emoji] #nostalgia #wednesdayfeels”
View this post on Instagram
Si Ruby ay naging co-host sa Eat Bulaga! sa loob ng 31 taon.
Pero noong 2020, pinag-usapan ang kanyang biglang pagkawala sa longest-running noontime show sa Pilipinas.
Sa isang interview noong May 2021, hindi tinumbok ni Ruby ang dahilan ng pagkawala niya sa show, pero malaman ang kanyang mga naging pahayag.
Read: Ruby Rodriguez opens up about her Eat Bulaga exit
Kuwento ni Ruby, noong 2020 ay nagbabalak siyang pumunta ng Amerika para ipatingin doon ang kanyang bunsong anak na si Don AJ na may auto-immune disease.
Kinausap daw niya si Tony Tuviera—president and CEO ng TAPE, Inc., na nagpo-produce ng Eat Bulaga—tungkol sa plano niyang mag-leave.
Tiniyak naman daw nito sa kanyang may babalikan siya.
Pero nangyari ang pandemya (March 2020) at hindi natuloy ang pagpa-file ng leave ni Ruby dahil sa quarantine.
Nang unti-unti nang bumalik sa ere ang Eat Bulaga!, ang management daw ang may desisyon kung sino ang pababalikin. Hindi kasama rito si Ruby.
Sabi ni Ruby noon sa interview, "Ang makasasagot lang kung tinanggal ako o hindi ay sila. That’s why I always say, 'Please ask them.'
"I don’t know how they will answer it. If they were going to say, 'Ito ba ay leave?'
"Hindi ko alam kung ano ang desisyon nila, but it’s management’s decision, and we always respect that.
"With regards if they take you out just like that, they just drop you like a hot potato, I think it’s them who can answer that."
Si Ruby at ang kanyang pamilya ay lumipad patungong U.S. noong June 2021.
Nagtatrabaho na si Ruby ngayon sa Philippine Consulate sa Los Angeles, California.
Read: Former Eat Bulaga! co-host Ruby Rodriguez lands an office job in Los Angeles