Napapanahon ang bagong labas na single ng Agsunta, ang "Sabi Nila," na tungkol sa sa ingay na dulot ng social media kabilang ang bashing at negativity.
Ayon sa miyembro ng grupo na si Josh Planas, “Minsan, mabubulag ka na believing the lies of the enemy in your head, at dito sa kantang ito ipinapakita na it’s really always a battle of you versus you.”
Collaboration ito nina Josh, Jireh Singson, Mikel Arevalo, at Stephen Arevalo sa Ex Battalion member na si Mark Maglasang, a.k.a. Honcho, at kay Gloc-9.
Hats off ang grupo kay Gloc9, na isa sa mga kauna-unahang nakatrabaho nila at isinama sila sa 2017 album nitong Rotonda.
Sabi ni Mikel, “...we think na si Sir Gloc really dropped the bomb in this track dahil nga yung message ng kanta is to encourage people who are somehow swayed by the noise of the world.
“At kahit gaano pa kahirap yung journey na tatahakin mo, para sa amin, si Sir Gloc ang pinakamalupit na example ng journey na talagang di umaatras at lumalaban lang nang lumalaban.”
Para naman kay Jireh, mas hinog na raw ngayon ang banda at ang musika nila.
“This time siguro, talagang mas nahinog na ng todo yung kanta at yung pagkaka-gel ng banda, seasoned by the years we’ve been doing this. Mas gets na namin yung gusto namin na tunog.”
SURVIVING THE PANDEMIC
Ang music industry, partikular na ang live shows, ang isa sa matinding naapektuhan ng pandemic.
Hindi ikinaila ng apat na miyembro ng Agsunta na hindi naging madali sa kanila ang nagdaang tatlong taon, pero marami naman itong positibong naibigay.
“Been through a lot but it made us stronger. It made us mature and made us find the strength and weaknesses ng isa’t isa na nag-work around sa amin instead na maging negative,” lahad ni Mikel.
Sabi pa niya, “Masasabi namin na we’re all good and actually even better, way better than before. Kasi ngayon, mas gets na namin ang isa’t isa. And the hardships we’ve been through during the pandemic made us dream more and made us fire up again sa mga gusto pa naming ma-achieve.”
Nagpapasalamat din daw sila sa PPL, ang kanilang management na para na ring pamilya ang turing nila.
Ayon kay Josh, “Ang PPL family ang siyang tumayong ilaw sa napakadilim na pinagdaanan namin during this pandemic.”
Sa ngayon, marami raw silang plano para sa future, kasama ang pag-level up ng grupo.
“We want to up our game now,” saad ng grupo.
Ayon kay Stephen, “Since we’ve been doing this for half a decade, siguro it’s time for us to go out of the box. Yung risk na willing kaming tahakin dahil sama-sama kami at yung risk na yun is to really focus now on doing our original music.
“Marami-rami rin kasi kaming nagawang kanta during the pandemic. And since we grew older na rin, we think that it’s time to recreate and rebrand the Agsunta that people knew.”
Hindi naman daw nangangahulugang mawawala na ang mga #AgsuntaSongRequests at #AgsuntaJamSessions. Pero mas focused daw sila ngayon sa paggawa ng mga originals at pagri-release ng mga music videos na tatagos sa puso ng mga viewers at listeners.
Sabi nga ni Josh, “Katulad ng track namin ngayon na ni-release with Honcho and the legendary Gloc9, medyo papunta kami siguro sa tunog na may influence somehow ng mga hiphop and yung mga beats, we’re trying to mix it up for a whole new sound na siyempre, may tatak Agsunta pa rin.”