Excited si Ruffa Gutierrez sa TV show nila nina Mariel Rodriguez-Padilla at Ciara Sotto, ang M.O.M.s (Mhies On A Mission).
“It’s everyone’s dream to have a morning show,” sabi ni Ruffa sa mediacon noong Nobyembre 22, 2022, Martes, sa The Crossing Café, Daang Hari Road, Molino IV, Las Piñas.
“Aside from the fact that I’m a mom, the work load is lighter than a teleserye. Kasi, di ba, during the pandemic, lagi akong naka-lock in?
“So one month akong mawawala, two months. Ang maganda nito, we have good schedules and napakasaya ng mga kasama ko!
“I thought mas madaldal ako pero may nahanap ako na mas madaldal pa sa akin… si Mariel! Punung-puno ng energy!
“11:00 p.m. na, lahat kami, nakaganun na… siya, kuwento pa nang kuwento. Kuwento nang kuwento, parang hindi na ako nakikinig sa kanya, kasi I’m conserving my energy.
“Thank God, may mas madaldal kesa sa akin. And you know, I know Mariel and I know Ciara and we have a good working relationship.
“Talagang swak kami and masaya talaga sa set. It doesn’t feel like it’s work even if pagod lahat. And you know, we put in a lot of hard work and dedication and love into this project.
“And kahit pagod kami, it just feels happy. It’s a very easy set.”
Read: Mariel Rodriguez, Ruffa Gutierrez, Ciara Sotto reveal what they can offer to their new ALLTV show
ALLTV EXCLUSIVE STAR?
Magsisimula ang M.O.M.s (Mhies On A Mission) sa Nobyembre 28, Lunes ng 11:00 a.m.-12:00 nn sa ALLTV, ang bagong Channel 2.
Exclusive na ba siyang mapapanood sa ALLTV?
“Exclusive ako sa program. I signed a program contract. So, puwede rin akong gumawa ng ibang project sa ABS-CBN, sa GMA, TV5,” paglilinaw ni Ruffa.
“Huwag naman sa katapat. Kunyari, kung kukunin ako sa teleserye… hello, producers! I just signed a program contract. Di ba?
“Kasi may mga offers din sa akin. I have ABS-CBN offers and I have a show offer also sa GMA.
“So I think, at this point in time, di ba, right after the pandemic, hindi na dapat maging isyu kung saan tayo magtatrabaho.
“Lahat naman tayo, at the end of the day, gusto nating kumita. Gusto nating lahat magtrabaho.
“So, wala naman akong existing contract exclusively. I think uso lang naman yun sa mga bagets and a few stars na lang.
“Now lahat ng tao, umiikot na talaga.”
Makakapag-It’s Showtime pa siya sa ABS-CBN?
“Aba’y kung kukunin pa nila ako. Hindi naman namin kalaban ang Showtime sa programang ito, di ba?” saad ni Ruffa.
WORKING WITH MARIEL AND CIARA
May common denominator si Ruffa with Mariel, ganun din kay Ciara. Pero love niya ang pakikitrabaho sa dalawa.
“It’s such a breeze to work with them. Kasi, napakagaan nilang kasama,” pagtatapat ni Ruffa.
“I think it also helps na we don’t compete with each other but we let each other shine in our own respective ways.
“And it’s never a dull moment with any of them. Talagang kuwentuhan lang kami. And then kung may time na…
“Kasi, kaming dalawa ni Ciara ang mag-roomies. So, alam mo, parang hindi kami nagtatrabaho. Even if madugo yung taping namin, we exert a lot of energy, it just seems like hindi nakakapagod.
“Kasi napakagaan kasama ni Mariel saka ni Ciara. So I couldn’t find better co-hosts than them. I’m so grateful na sila ang kasama ko.”
Pare-parehong makukulay ang pinagdaanan nila sa buhay, pero si Ruffa ang bale ate nina Mariel at Ciara. Nagko-compare notes ba sila?
“Well, hindi pa kami nagko-compare notes but I think ano, parang mas marami rin akong pinagdaanan kesa sa kanila,” pag-amin ni Ruffa.
“Mga ten years ahead ako. So if they need my advice, nandito lang ako. Pero… wala, chika lang kami nang chika.”
Umaabot minsan sa kapilyahan ang chikahan nila.
“Grabe, pag nandun kayo sa taping namin, kasi may isang question doon na parang… anong description ng ulam sa first heartbreak mo? Mga ganun,” pagngiti ni Ruffa.
“So mamaya, nagiging naughty na ang mga sagot! So, laging may reminder. ‘Guys, morning show tayo, hindi tayo midnight show!’”
MISSIONS EVERY WEEK
Every week, may kani-kanyang sariling misyon sa programa sina Ruffa, Mariel, at Ciara.
“We all meet up at the studio to discuss what mission we’ve done. Like kunwari, nag-farming ako,” salaysay ni Ruffa.
“Nagtanim ako ng mga halaman, nag-harvest ako ng mga fruit. Sumakay ako sa tractor. Pumunta ako sa Quiapo, nakipag-usap ako kay Nanay Rosa na pinakamalakas na palabok at sotanghon sa Quiapo.
“So for me, wow! I consider myself a bit sheltered. Talagang sheltered, 'no?! Hindi ako masyadong nakakagala so for me this is self-discovery, you know, na mag-farming.
“Ay! Naku, kailangan pala taasan ang suweldo ng mga farmers dahil nga two hours lang akong nakababad sa araw, parang pagod na pagod na ako.
“Can you imagine the farmers, what they’re going through? Kaya bumili na ako ng mga fruits. Sabi ko, ‘I send fruits to all my friends to help out our local farmers.’
“So it’s a learning experience for me. It’s a self-discovery and marami akong natututunan, you know.
“Like kahapon, natuto akong gumawa ng bibingka at puto bumbong, di ba? Nahulog pa ang bracelet ko dahil sa pagganun-ganun. ‘Ay! Nahulog!’ sabi ko.”
Kanino niya gustong ipatikim ang kanyang bibingka?
“Siyempre sa mga anak ko!” natatawang sambit ni Ruffa.
Masarap ba yung ginawa niyang bibingka?
“Masarap na masarap! With all the toppings around. It’s sweet and salty.”
ADVOCACY FOR FARMERS
Nai-inspire si Ruffa sa mga naiinterbyu niya. Meron na ba siyang advocacy para sa mga magsasaka?
“Malay mo, di ba? Kasi nga, dalawang oras akong nag-farming, parang pagod na pagod ako!” bulalas ng" Mhie na may Laban."
“Lapot na lapot na ako! Imagine, the farmers… I always support local. Ahhm siyempre hindi naman maiiwasan na bumili tayo ng imported.
“Pero as much as possible, kung kaya naman nating sumuporta ng local, why not? Even sa designers natin, andaming mahuhusay na mga designers.
“Ngayon andaming gumagawa ng mga local shoes na ang gagaling! So for the show, I want to promote local more than imported.”
So far, ano ang pinakamahirap sa mga ginawa niya sa M.O.M.s?
“I think, wala namang pinakamahirap. Darating pa lang yung mahirap. Ahhm, I think ano, lahat naman kaya ko,” sambit ni Ruffa.
“Yung sa farming lang, kasi nga feeling ko parang Survivor. Kasi, nagtawid pa ako sa ilog. After ng ilog, nakabilad ako sa araw.
“Parang naawa ako sa mga farmers, na taasan yung suweldo ng farmers. Yung ganun.”