Game na game si Joaquin Domagoso sa tila role playing nila ng girlfriend na si Raffa Castro.
Read: Jowa reveal: Raffa Castro opens up about love story with Joaquin Domagoso
Si Raffa ay anak ng newscaster na si Diego Castro at kapatid ng Kapuso actress na si Claire Castro.
Si Joaquin, na isa ring aktor, ay panganay na anak ni dating Manila Mayor Isko Moreno at ng misis nitong si Dynee Domagoso.
Sa Instagram Linggo ng gabi, October 16, 2022, ibinahagi ni Raffa ang tatlong larawan nila ni Joaquin kung saan kitang may nakataling kadena sa leeg ng boyfriend.
Kuntodo costume din ang dalawa sa kanilang ginawang pictorial.
Ayon kay Raffa, "parusa" niya ito kay Joaquin dahil sa pagbighani nito ng kanyang puso.
Sabi niya sa caption: “This is for stealing my heart (believe it or not, our ‘costumes’ were on the spot)”
View this post on Instagram
Walang ibang detalye si Raffa kung saan at kailan ito kinunan.
Noong September 27, ibinahagi na ni Raffa sa publiko kung paano nagsimula ang pagmamahalan nila ng boyfriend at ama ng kanyang anak.
Nagsimula raw sila bilang best friends noong taong 2017.
Ang pinakapaboritong regalo raw na natanggap niya mula kay Joaquin ay ang kanilang anak na si Scott Angelo Domagoso.
Hindi rin daw niya lubos maisip na ang kanyang best friend noon ang magiging “end game” niya sa buhay.
Buong caption ni Raffa sa kanyang Instagram post: “Here’s to celebrating another month of our love. Who knew that my best friend of 5 years would be my end game. You know the rest. I love you with all my heart.”
View this post on Instagram
Noong August 22, ibinahagi ni Raffa ang kanyang maternity photo shoot may limang buwan na ang nakararaan.
Read: Raffa Castro finally admits she got pregnant; shows maternity photo
Kasunod ito ng ulat ng Philippine Entertainment Portal (PEP.ph) noong June 27, na isinilang ni Raffa ang anak nila ni Joaquin sa FEU Medical Center, sa Quezon City, noong April 28, 2022.
Pinangalanan nila itong Scott Angelo, sunod sa Scott na dating palayaw ng ama ni Joaquin na si Isko.
Read: Joaquin Domagoso, may two-month-old son na sa kapatid ni Claire Castro