Nagsimula ngayong Miyerkules, October 5, 2022, ang streaming sa Netflix ng Season 3 ng Bling Empire, ang American reality television series na tumatalakay sa kuwento ng buhay ng mga mayayaman at materyoso na Asian-American na naninirahan sa Los Angeles, California.
Matagal nang balita na may special participation ang Filipina actress na si Heart Evangelista sa Bling Empire, pero hindi siya napanood sa Season 2 ng sikat na reality show.
READ: Heart Evangelista, bakit wala sa second season ng Bling Empire?
Napatunayan na hindi tsismis at lalong hindi press release lamang ang paglabas ni Heart sa Bling Empire dahil kasali siya sa Episode 9 ng Season 3 ng programa.
Tumagal nang mahigit sa dalawang minuto ang kanyang partisipasyon bilang Filipino celebrity friend ng mainstay na si Kane Lim.
Sa eksena, isang Filipino-inspired dinner ang ibinigay ni Kane kay Heart na magkaibigan sa tunay na buhay. Kasama ng aktres na dumating sa pagtitipon ang kanyang kaibigan, ang Filipino fashion designer na si Mark Bumgarner.
“Heart Evangelista is one of the famous and beloved actors in the Philippines. You name it, she has done it; and she’s one of the most influential influencers in the world.
“I wanna throw something epic for her. I want her to feel welcome and maybe she misses Filipino food,” ang pagpapakilala ni Kane kay Heart sa viewers ng Bling Empire.
Sa isang eksena, tinanong ni Kane si Heart ng “How is it dating a Filipino guy?”
Sagot ng 37-year-old actress, “It’s the best. I mean, they treat you like a princess and they’re just very sweet.”
Sunod na tanong ni Kane, “How about the sex?”
Malakas na halakhak ang pinakawalan ni Heart bago ito nagsalita ng "Collect, collect, then select."
Ipinakilala rin ni Heart sa cast member na si Kelly Mi Li ang kanyang Filipino businessman friend na si Jason Sun na nagpakilala na may-ari ng Italian luxury vehicle na Maserati.
Matagal nang kinunan ang mga eksena ni Heart sa Bling Empire at nangyari ito bago pa man kumalat nitong 2022 ang balita na may problema sa relasyon nila ng kanyang asawa na si Senator Francis Escudero.
RELATED STORIES:
- “Our Lady Heart Evangelista” grants “prayer petition” of the cheated and aggrieved
- Heart Evangelista opens up about "very difficult and painful" IVF journey
- Cecile Ongpauco reacts to rumored marital problem of daughter Heart Evangelista and Chiz Escudero
- GMA Network debunks report that it is confirming Heart Evangelista-Chiz Escudero "breakup"
- Heart Evangelista admits going through "personal struggles"