Inamin ng actor-director na si John Prats na muntik na siyang lumipat noon sa GMA-7 dahil sa matinding pangangailangan ng kanyang pamilya.
Sa pinakabagong vlog sa YouTube ni Bianca Gonzalez na may titulong “#TrustTheProcess: John Prats,” na in-upload noong August 8, 2022, ibinahagi ni John ang mga pinagdaanan niya sa mahigit 30 taon sa mundo ng showbiz.
Read: John Prats, matagal di makakapiling ang pamilya dahil sa lock-in taping ng Ang Probinsyano
Pag-amin niya, dumating sa puntong muntik na siyang lumipat sa Kapuso network dahil sa nakaambang mga gastusin at pangangailangan ng kanyang pamilya, lalo na't buntis noon ang asawa niyang si Isabel Oli.
Aniya, “Nung nagkaroon na ako ng family—buntis na si Liv [Isabel] noon—na-realize namin na parang hindi enough yung twice a week taping para ma-sustain, or mabigay yung needs ng family mo.
“And then, I was about to transfer [to GMA]. Tapos, the next day, Tita Cory found out, pinigilan niya ako nung nalaman niya.
“Siyempre ako, nung nalaman kong pinigilan ako, sabi ko, ‘Sige, I’ll stay.'
“Siyempre gusto mo yun, kasi parang tahanan mo 'yan [ABS-CBN] for how many years.”
Matapos ang pagpigil sa kanya ni ABS-CBN chief executive Cory Vidanes ay kinuha siya bilang cast ng FPJ’s Ang Probinsyano, kung saan kalaunan ay nagsilbi na rin siyang direktor nito.
Read: Mere prank: John Prats's Ang Probinsyano character dies only in dream sequence!
HOW JOHN PRATS STARTED IN SHOWBIZ
Ayon sa 38-year-old actor, hindi naging madali ang kanyang pinagdaanan sa showbiz lalo na’t nagsimula siya sa murang edad.
Lahad ni John, “1992 when I joined Ang TV, siyempre bata ka pa, hindi mo naman alam. Every Saturday, we tape Ang TV, para ka lang naglalaro.
“Sa akin, hindi ko sineseryoso yung trabaho ko nun, nilalaro ko lang, until nag-teen ako.”
Nabinigyan ng break si John nang naging bahagi siya ng teen-oriented show na G-mik noong 1999, hanggang sa ipareha siya kay Heart Evangelista na kalaunan ay naging ka love-team niya.
Read: G-Mik
Paglalahad ni John, naramdaman niya noong biglang bumagsak ang kasikatan niya noong nagkahiwalay sila ni Heart.
“Dumating yung John and Heart era. After that era, 'yon yung time na I felt na bumagsak yung career ko.
“Nung naghiwalay kami ni Heart, ang show ko na lang nung time na yun... kasi, di ba, before may ASAP then ASAP Fanatic.
"Sobrang liit ng [talent fee] ko, once a week lang ako nakikita at nagtatrabaho.”
Dito ay napagtanto raw ni John na kailanganan niyang baguhin ang kanyang sarili, at bumalik sa kanyang “first love”—ang pagsasayaw.
Hanggang sa alukin siya ni Direk Lauren Dyogi na maging bahagi ng Pinoy Big Brother (PBB), na itinuturing niyang “second chance” sa kanyang showbiz career.
“Nagsunud-sunod ulit yung projects ko and ‘yon yung feeling ko na naging blessed ako kasi parang hindi ako nawala."
Sa lahat ng mga pagsubok na kanyang pinagdaanan, nagpapasalamat pa rin si John sa mga aral na kanyang natutunan.
Saad niya, “Sobra yung journey na natutunan ko sa buhay, na you just have to trust God and just do your best.
“Hindi mo alam minsan kung saan ka nili-lead, akala mo dito, pero hindi diyan dito ka.
“Lahat ng nangyayari sa akin ngayon, sobrang blessed ako kasi ang dami kong natutunan.”