Isinapubliko ni Maggie Wilson ang aniya'y alleged other woman ng kanyang estranged husband na si Victor Consunji.
Sa kanyang magkakasunod na Instagram Stories, umalma si Maggie sa panloloko umano sa kanya ni Victor noon pang 2019.
Napag-alaman ni Maggie noong may relasyon umano si Victor sa isang babaeng mayroong ding asawa.
At kamakailan, nitong 2022, nakakita pa raw si Maggie ng mga litrato ng alleged other woman sa "conjugal home" nila ni Victor.
Ipinahiwatig din ni Maggie na hindi lang isa ang naging kalaguyo umano ng kanyang asawa.
Pahayag ni Maggie sa kanyang Instagram Stories: "A few days ago I was sent a motion for the issuance of a gag order.
"In 2019, a woman (one of) despite her being married at the time, I found was taking 'trips' and checking in to various hotels with him, without my knowledge.
"She has recently been posting in our 'conjugal' home, living her best life! Despite this, I have been accused of adultery and issued an arrest warrant.
"The gag order may go further than this. I believe it's to silence me due to more important issues that could affect people that are reading this."
Read related stories:
- Maggie Wilson defies Victor Consunji; not moving out of "conjugal property"
- Maggie Wilson appeals for help after estranged husband Victor Consunji allegedly kicked her out of her house
- Maggie Wilson, Tim Connor sinampahan ng kasong adultery ni Victor Consunji
- Maggie Wilson breaks silence on Victor Consunji's adultery accusation; shows video of Victor with Tim Connor
- Court grants TRO vs Victor Consunji after attempting to kick out Maggie Wilson from Taguig home
PHOTOS OF VICTOR WITH ALLEGED OTHER WOMAN
Bilang patunay, ipinost ni Maggie ang ilang litrato ni Victor kasama ang alleged other woman nito.
September 17, 2019 ang petsa nang malaman ni Maggie na may sinundong babae si Victor sa airport.
Sa isang litrato, makikitang yakap ng babae si Victor sa isang okasyon.
Mayroon ding kuha si Victor na nakaupo sa isang silya kunsaan halos nakakandong sa kanya ang babae sa hiwalay na okasyon.
Sa isa pang litrato ay magkatabi namang kumakain si Victor kasama ng alleged other woman sa isang restaurant.
Mayroon ding ipinost si Maggie na may ka-sparring sa boxing si Victor kasama ng isang babae sa parehong lugar kunsaan nagwo-workout si Maggie.
Ipinunto pa ni Maggie ang isang picture na nagpapakita na nakakapunta ang alleged other woman sa parehong lugar kunsaan may picture din si Maggie.
Ipinakita rin ni Maggie na may nagpadala sa kanya ng litrato ng isang lalake at babae na magka-holding hands sa Rockwell noon lamang "Friday."
Sinasabing si Victor at ang alleged other woman nito ang magka-holding hands na couple.
MAGGIE: "HERE I AM, LEFT WITH NO CHOICE"
Umalma si Maggie dahil ang lakas daw ng loob ni Victor na sampahan siya ng kasong adultery sa kabila ng pagkakaroon nito ng ibang babae.
Hinaing pa ni Maggie: "Many people again may ask why I am so public, I find that a lot of women and men in the Philippines may tolerate or deem this kind of BS acceptable but I wont!
"I have tried to settle things amicably and privately despite the issues I've faced, but it's fallen on deaf ears and instead various legal cases have been filed against me.
"I've always believed in happiness (even now) for him and I, even if it's not with me. I kept quiet for years and never wanted to drag anyone else in to this but here I am, left with no choice.
"I am sorry to the people close to you that may not know but I would've hoped you saw sense and told him not to do something so ridiculous."
Nagpahaging pa si Maggie na tila ginigipit umano siya ni Victor habang ito ay may kinikitang iba.
Base ito sa isa pang IG Story ni Maggie kunsaan makikita ang kamay ng lalaki na may tattoo at kamay ng isang babae na naghahanda ng pagkain pang-dinner.
Caption ni Maggie: "What legal cases are we cooking up for Maggie today baby?"
Sinubukan ng PEP.ph (Philippine Entertainment Portal) na kunan ng pahayag si Victor sa pamamagitan ng Instagram direct, at ang babaeng inuugnay sa kanya ngunit wala pa kaming natatanggap na kasagutan.
Mananatiling bukas ang PEP.ph sa anumang pahayag ng mga personalidad na nabanggit sa artikulong ito.