Malapit nang magpirmahan ang magkabilang kampo kaugnay sa nilulutong ABS-CBN at TV5 joint venture, ayon sa negosyanteng si Manny Pangilinan.
Ayon sa ulat ng ABS-CBN Online, sinabi raw ito ng business tycoon sa PLDT financial briefing kahapon, August 4.
Saad niya, "It's fair to characterize that we're at the closing stages. I think the likelihood of an agreement with them is high and it's near.”
Taliwas sa mga unang naiulat na 50/50 partnership, sinabi ni Pangillinan na 35/65 na ito ngayon kung saan mag-i-invest ang ABS-CBN sa TV5.
Ayon sa plano, ang ABS-CBN Holdings ay mamumuhunan ng 35% samantalang ang nalalabing 65% ay mula naman sa MediaQuest ni Pangilinan.
Dagdag pa ni Pangilinan, "The model we are working on is, it will be a joint venture between TV5, using the platform of TV5 as the free-to-air broadcast platform of both TV5 and PLDT Group and the ABS-CBN group.
"We are not acquiring ABS-CBN. We are not acquiring any shares in ABS, instead they will be investing in TV5.”
Read: ABS-CBN reportedly inking 50/50 partnership with Manny Pangilinan’s MediaQuest
Ilang buwan na ang usap-usapan sa pagsasanib-puwersa ng dalawang malaking TV stations sa bansa.
At kapag plantsado na ang plano, baka raw nitong buwan o sa Setyembre na ang kanilang primahan.
May mga isinaalang-alang din daw silang mga probisyon sa Bayanihan 2 law.
Sabi pa niya, "We do have to get board approval as soon as we can. Sometime August definitely, maybe in the next 2 week, 3 weeks.”
Hindi naman na raw kailangan pa ang approval ng Philippine Competition Commission at National Telecommunications Commission.
Namaalam sa free-TV ang ABS-CBN noong May 2020 matapos mapaso ang legislative franchise nito.
Simula noon, nakipagsanib-puwersa na ito sa iba’t ibang kumpanya para mag-produce ng mga programa sa telebisyon kabilang na ang Brightlight Productions, Cornerstone Entertainment, at VIVA Communications, Inc.
Umeere na rin ang ilang programa nito bilang blocktimer sa A2Z at TV5.