Muling binalikan ni Anjanette Abayari ang kanyang masalimuot na nakaraan sa showbiz.
Si Anjanette ay naging malaking pangalan sa local showbiz noong dekada '90.
Kinoronahan siyang Bb. Pilipinas-Universe noong 1991 pero na-dethrone dahil sa citizenship issue.
Gumanap siya bilang Darna sa pelikula noong 1994 at naging in-demand leading lady ng mga bigating action stars.
Sabi ni Anjanette, nakagawa siya ng 30 pelikula sa pito o walong taon niya sa showbiz.
“'Coz my whole intent was just to go and work. I wasn’t anywhere near my family," sabi ng Filipino-American na si Anjanette.
“It was just me there alone. I wanted to just not have any time to miss them,” pagbabalik-tanaw niya sa vlog ng kanyang kakontemporaryong si Cristina Gonzalez-Romualdez nitong July 23, 2022.
Si Anjanette ay nakabase ngayon sa Los Angeles, California kasama ang dalawang anak na lalaki mula sa mga naging karelasyon noon.
Kasal na rin ang dating aktres kay Gary Pangan, isang pastor.
Malayung-malayo ito sa dating buhay ni Anjanette sa showbiz na naging magulo at maraming beses nabigo sa pag-ibig.
LOSING HER WAY
Inamin ni Anjanette na naligaw siya ng landas sa showbiz at maraming naging boyfriend sa maling dahilan.
“Life happens and then we kind of drift apart from Him… in and out, in and out,” paliwanag ni Anjanette.
“Showbiz is the world. The temptations of the world get to us.
“We’re only humans. We all fall short. So that’s what happened.
“I was more about pride and myself and all just… everything was just me, me, me.”
Hindi rin daw siya naging matalino sa pagpili ng mga nakarelasyon.
Saad ni Anjanette, “We’ve had a lot of boyfriends in our lives most [of] my boyfriends were all based on choices, of how they looked or whatever…
“That it’s always about our image before. And you think, ‘Okay, maybe.’ But then it never works out.
“They don’t have that respect for God. They don’t have that fear. They don’t have law or commandment or things that they go by.
“That always hurt you somehow.”
ANJANETTE FINDING LOVE
Malaking dagok ang nangyari sa buhay ni Anjanette nang lumipad siya patungong Guam noong October 1999.
Sa Guam airport ay nahulihan siya ng drug paraphernalias dahilan para ma-blacklist siya sa immigration bureau sa Guam at nadeklarang persona non grata sa Pilipinas.
Pero sa Esquire interview niya noong March 2017, nanindigan si Anjanette na hindi sa kanya ang mga paraphernalia na nasamsam.
Nang makarating daw siya sa Amerika, sinabi ni Anjanette, “I was still hiding from just my shame, and guilt, and all that...”
Nagsimula siyang maging aktibo sa pagiging Christian.
Nakilala niya ang kanyang asawa sa isang Bible study. Nagkapalagayan ng loob ang dalawa. Napalapit din si Gary sa dalawang anak ni Anjanette.
Ayon kay Anjanette, pinakaimportante ang humanap ng karelasyong may takot sa Diyos.
“Somebody who believes in and trust and respects and loves God.
“It’s the most important thing, because everything else will follow. Seek first the kingdom and all those things will happen.”
Sabi pa ni Anjanette tungkol kay Gary, “This one is just amazing.”
Hindi raw perpekto ang kanyang mister, “but if God is the center, everything will follow.”
Abala ngayon si Anjanette sa pagiging devout Christian.
Sa katunayan, meron silang YouTube channel ng kanyang asawa kung saan maririnig ang pagbabasa ng Scriptures ni Anjanette.