Usap-usapan ngayon sa social media ang tungkol sa pagiging engaged na umano ng Kapamilya singer na si Angeline Quinto sa kanyang non-showbiz boyfriend na si Nonrev Daquina.
Read: Angeline Quinto "ready" to get married to Nonrev Daquina: "Siya yung true love."
Nag-ugat ang espekulasyon ng netizens sa latest Instagram post ni Angeline.
Noong July 28, 2022, ibinahagi ni Angeline ang litrato ng kanyang pamilya kasama ang non-showbiz boyfriend at ang anak nilang si baby Sylvio habang nagbabakasyon sa isang resort sa Quezon Province.
Ayon sa singer, happy and grateful siyang makapagbakasyon kasama ang kanyang mag-ama lalo't higit na ito ang unang out-of-town trip ng kanyang anak.
Ngunit imbes na ang masayang bakasyon nila ang mapansin ng netizens, mas napukaw ang atensiyon ng mga tagasuporta ni Angeline sa tila engagement ring na suot niya na makikita sa larawan
NETIZENS' REACTION
Inulan ng iba't ibang komento ang naturang post ni Angeline.
Marami ang nagtanong kung ang suot daw ba niyang singsing ay engagement ring.
“Is that an engagement ring?” diretsahang tanong ng isang netizen.
Saad naman ng isa, "OMG! The ring."
Ayon pa isang netizen, "Yung singsing ang napansin ko. Pansin n’yo rin ba? Charot!”
Noong June 29, 2022 ay nauna nang napansin ng PEP.ph (Philippine Entertainment Portal) ang suot na diamond ring ni Angeline habang siya ay ini-interview.
Ang interview ay ginanap matapos i-launch ng singer ang kanyang bagong line na Twinqle skin and baby products.
Tinanong ng PEP.ph si Angeline, kung engagement ring ba ang suot niyang singsing na galing kay Nonrev.
Imbes na sumagot ay tinawanan lamang ito ng singer.
Sa ngayon ay wala pang inilalabas na sagot si Angeline sa tanong ng kanyang mga tagasuporta kung engaged na ba siya.